Процес на селекција

 Сепак, ова прашање не треба да се гледа како пречка, туку како можност да покажете самосвесност, способност за учење и посветеност кон професионален развој.

Зошто работодавците го поставуваат ова прашање?

Работодавците сакаат да дознаат дали кандидатот е свесен за своите слабости и како се справува со нив. Наместо да бараат совршен кандидат, тие сакаат да видат како личноста се прилагодува, учи и се развива. Добар одговор може да покаже зрелост и иницијатива за подобрување.

Како да дадете силен одговор?

1. Изберете слабост што не е критична за позицијата

Најдобро е да одберете слабост што нема директно да влијае на вашите клучни работни задачи. На пример, ако аплицирате за позиција што бара аналитички вештини, не би требало да кажете дека имате потешкотии со логичкото размислување.

2. Покажете како работите на неа

Важно е да не ја оставите слабоста како нешто што ве ограничува, туку да објасните што преземате за да ја надминете. Ова покажува дека сте проактивни и дека постојано работите на самоусовршување.

3. Избегнувајте клише одговори

Фрази како „Јас сум перфекционист“ или „Работам премногу“ се веќе премногу користени и не кажуваат многу за вас. Наместо тоа, одберете конкретна слабост и бидете искрени, но во исто време прикажете како ја претворате во предност.

Примери на добри одговори:

• „Јавниот настап ми беше предизвик, но сфатив дека е важна вештина, па започнав да посетувам обуки за презентациски вештини и да вежбам пред колеги за да стекнам поголема самодоверба.“
• „Понекогаш ми е тешко да делегирам задачи бидејќи сакам сè да биде направено совршено, но работам на тоа преку подобра комуникација со тимот и учење да им верувам на нивните способности.“
• „Имав потешкотии со управување со времето, но почнав да користам дигитални алатки за организација на задачите и тоа значително ми помогна да бидам поефикасен.“

Со правилна подготовка, ова прашање може да биде одлична можност да покажете дека сте свесни за своите слабости, но и дека работите на нивно надминување, што остава позитивен впечаток кај работодавците.

1. Останете смирени и не паничете

Ако не знаете веднаш како да одговорите, немојте да се вознемирите. Длабоко вдишете и земете неколку секунди за да размислите. Работодавците знаат дека не можете да ги имате сите одговори во моментот, но ги ценат кандидатите кои покажуваат логично размислување и способност за адаптација.

2. Побарајте појаснување или време за размислување

Доколку прашањето ви е нејасно, побарајте од интервјуерот да го преформулира или појасни. Ова не само што ви дава повеќе време за размислување, туку покажува дека внимателно слушате и сакате да дадете прецизен одговор.

Пример: „Можете ли да ми дадете повеќе контекст за ова прашање?“ или „Дали можете да го објасните на поедноставен начин?“

Ако ви треба момент да размислите, можете да кажете:
"Добро прашање! Дозволете ми да размислам неколку секунди за да дадам најдобар можен одговор."

3. Размислете логично и поврзете го со вашето искуство

Дури и ако не знаете конкретен одговор, обидете се да поврзете некои од вашите вештини или искуства со темата на прашањето. Работодавците не очекуваат перфектен одговор, туку да видат како размислувате и како пристапувате кон проблемите.

Пример: Ако ве прашаат за нешто со што немате директно искуство, можете да одговорите:
"Досега не сум имал можност директно да работам на тоа, но во претходната работа се соочив со сличен предизвик кога… (споделете релевантно искуство). Верувам дека би можел да се прилагодам и да научам брзо."

4. Искористете ја техниката „Размислувам наглас“

Дури и ако немате веднаш подготвен одговор, можете да ја споделите вашата логика додека размислувате. Ова покажува дека сте аналитични и дека имате способност да решавате проблеми.

Пример:
"Ова е интересен предизвик. Размислувам за неколку можни пристапи… Ако го разгледаме од аспект на [принцип X], тогаш можеби најдобро решение би било…"

5. Ако навистина не знаете – бидете искрени

Ако апсолутно не знаете како да одговорите, нема ништо страшно во тоа да кажете дека не сте запознаени со темата, но сте подготвени да научите.

Пример:
"Во моментов немам конкретно искуство со тоа, но многу ме интересира и би сакал да научам повеќе. Како вашата компанија пристапува кон вакви ситуации?"

6. Подгответе се однапред

Најдобар начин да избегнете оваа ситуација е добра подготовка. Истражете кои се најчестите прашања за работната позиција, размислете за вашите вештини и искуства и вежбајте одговарање.

Некои од најчестите прашања на интервју вклучуваат:

• „Кажете ми нешто за себе“
• „Кои се вашите најголеми слабости?“
• „Како се справувате со притисок?“
• „Каде се гледате за пет години?“

Ако не знаете како да одговорите на прашање за време на интервју, не дозволувајте тоа да ве обесхрабри. Останете смирени, побарајте појаснување, размислете логично и искористете го вашето искуство за да дадете најдобар можен одговор. Интервјуто не е тест каде што мора да ги знаете сите одговори – тоа е разговор каде што работодавецот сака да ја види вашата способност за размислување, адаптација и решавање на проблеми.

 Но, вистината е дека вкупниот пакет на компензација вклучува многу повеќе од месечната плата. Дополнителните бенефиции можат значително да го подобрат квалитетот на вашиот професионален и личен живот, а многу од нив можат да бидат предмет на преговори со работодавецот.

Ако компанијата не е во можност да ви понуди повисока плата, тоа не значи дека не можете да добиете дополнителни погодности. Во продолжение се некои од најчестите бенефиции кои можете да ги преговарате:

1. Флексибилно работно време

Доколку вашата работа не бара строго фиксно работно време, можете да побарате флексибилност во терминот кога започнувате и завршувате со работа. Ова е особено важно ако имате обврски поврзани со семејството, образованието или ако сакате да го избегнете метежот во сообраќајот.

2. Можност за работа од дома (remote/hybrid work)

Сѐ повеќе компании овозможуваат работа од дома или хибриден модел (комбинација на работа од канцеларија и дома). Доколку природата на работата дозволува, можете да побарате опција за одредени денови во неделата да работите од дома, што ќе ви заштеди време и трошоци за превоз.

3. Дополнителни денови за одмор

Доколку компанијата нуди основен број денови за годишен одмор, можете да се обидете да преговарате за неколку дополнителни денови. Ова е особено корисно ако ви е потребно повеќе време за патување, семејни обврски или едноставно за одмор и обновување на енергијата.

4. Професионален развој и обуки

Многу компании нудат буџет за професионален развој, кој може да вклучува курсеви, обуки, сертификати или конференции. Ако сакате да ги унапредите вашите вештини и да бидете поконкурентни на пазарот, можете да побарате поддршка за надоградба на знаењето.

5. Здравствено осигурување

Доколку компанијата не нуди приватно здравствено осигурување, можете да го вклучите ова како дел од вашите преговори. Дополнително, некои компании покриваат стоматолошки услуги или други медицински услуги како психолошка поддршка или физиотерапија.

6. Карти за превоз или паркинг

Ако секојдневно патувате до работа, трошоците за превоз можат да бидат значајни. Некои компании покриваат месечни карти за јавен превоз или нудат субвенции за гориво, а некои обезбедуваат бесплатен паркинг за своите вработени.

7. Бонуси и стимулации

Ако компанијата не може да ја зголеми вашата основна плата, можно е да преговарате за бонуси базирани на перформанси, како квартални или годишни бонуси, награди за постигнати цели или исплата на тринаесетта плата.

8. Програми за баланс помеѓу работата и приватниот живот

Некои компании нудат програми кои помагаат во одржување на балансот меѓу работата и приватниот живот, како спортски членства, бесплатни часови по јога или вежби во фитнес центар, психолошко советување, или дури и day-care услуги за родители.

9. Дополнителни финансиски бенефиции

Некои компании нудат можност за пензиски фондови, дополнителни осигурувања или надоместок за работна опрема (на пример, лаптоп, мобилен телефон или интернет покриеност за remote работници).

10. Опции за акции во компанијата

Во одредени случаи, особено во големите компании или стартапи, вработените имаат можност да добијат акции во компанијата. Ова може да биде одлична долгорочна инвестиција доколку компанијата расте и се развива успешно.

Како успешно да преговарате за бенефиции?

• Истражете ги политиките на компанијата и вообичаените бенефиции во индустријата.
• Бидете јасни за тоа што е најважно за вас и фокусирајте се на тоа.
• Поставете аргументи за тоа зошто компанијата би имала корист ако ви ги понуди овие бенефиции (на пример, подобра продуктивност, задоволство и лојалност на вработените).
• Бидете флексибилни – ако компанијата не може да ви понуди една бенефиција, можеби може да ви даде друга.

Преговарањето за дополнителни бенефиции може значително да го подобри вашето работно искуство и општата сатисфакција од работата. Не плашете се да побарате повеќе, затоа што често токму овие детали го прават балансот помеѓу добра и одлична работна понуда.

Пред да започне интервјуто треба да запомните дека и тие што ве интервјуираат се луѓе како вас. Тоа значи дека и тие се подложни на истите психолошки параметри и когнитивни предрасуди. Начинот на кој зборувате и говорот на телото можат да ве направат многу попривлечни, покомпетентни и да ве издвојат од другите кандидати. За да имате успешно интервју, треба само да ги следите стратегиите кои ќе ви помогнат во поставување на успешна врска помеѓу вас и вашиот потенцијален работодавач.

Закажете го вашето интервју околу 10:30 часот во вторник

Доколку ви се понуди одредена флексибилност при изборот за тоа кога би се одвивало интервјуто, прашајте дали можете да дојдете околу 10 и 30 часот во вторник. Тоа е период кога вашиот потенцијален работодавач е најопуштен.

Внимавајте на бојата на вашата облека

Според одредени истражувања многу е важно каква боја ќе решите да носите на денот на интервјуто. На пример, носењето плава боја сугерира на тоа дека кандидатот е тимски играч, додека црната боја укажува на лидерски потенцијали. Портокаловата боја се смета за најлоша боја и се препорачува нејзино избегнување, бидејќи истата покажува непрофесионалност.

Држете ги дланките отворени

Движењата на рацете можат да придонесат кон формирањето на целокупната слика за вас. Генерално, покажувањето на вашите дланки укажува на искреност, додека држењето на дланките надоле е знак за доминација. Се препорачува да избегнувате прекрстување на рацете бидејќи тоа покажува разочараност. Удирањето со прстите покажува нетрпливост, додека прекумерените гестови на рацете го одвлекуваат вниманието.

Најдете нешто заедничко со вашиот интервјуер

Според "хипотезата за сличност-атракција" имаме тенденција да ги сакаме луѓето кои имаат слични ставови со нас. Затоа, доколку можете да дознаете нешто повеќе за човекот што ќе ви го врши интервјуто, тоа би било супер.

Внимавјте на говорот на телото на лицето од другата страна на масата

"Ефектот на камелеон" е психолошки ефект кој покажува дека луѓето имаат тенденција повеќе да се сакаат едни со други кога имаат сличен говор на телото. Затоа, доколку интервјуерот се наведне напред и ги стави рацете на маса, слободно сторете го истото.

Покажувајте самодоверба и почит истовремено

Ова значи дека сте доволно самоуверени за да превземете иницијатива и да го водите разговорот, но исто така покажувате почит преку тоа што се восхитувате на работата на интервјуерот.

Бидете искрени за вашите слабости

Неодамнешните истражувања на оваа тема покажаа дека лажната скромност не е веќе нешто што се бара и истата може има негативен ефект. Во овие ситуации искрениот одговор може да го направи вашиот интервјуер посклон кон вас.

Зборувајте впечатливо

Доколку сакате да звучите паметно избегнувајте да зборувате монотоно. Забрзувајте или забавувајте во зависност од тоа колку е важно тоа што го говорите во моментот. Па така, кога сакате да истакнете нешто важно во врска со вас забавете малку за да им дадете време на слушателите правилно да ја апсорбираат информацијата.

Правете контакт со очи

Ова е особено важно при првиот контакт со интервјуерот. Луѓето кои повремено прават директен контакт со очи за време на разговорот се сметаат за поинтелигентни од оние кои гледаат надоле или на страна.

Немојте да се смеете премногу

Истражувањата покажуваат дека за одредени професии пречестото смеење може да го поткопа вашиот успех на интервјуто. Други истражувања покажуваат дека луѓето очекуваат кандидатите кои аплицираат за работни позиции како што се претставник на потрошувачите или продавач, повеќе да се смеат за време на интервјуто.

Според неа, одговорот на прашањата со само да или не е еквивалентно на одговарање на прашањето “Кажи ми за времето кога сте биле менаџер на проектот...“ со “На 10-ти јануари...“. Овој одговор ништо не му кажува на регрутерот, зарем не?

Една од причините зошто HR менаџерите поставуваат прашања на кои природно е да се одговори со да или не е да видат како вие ќе одговорите на истите. Тоа е навистина еден од нивните начини за подобро да ве запознаат. Едноставниот одговор со да или не покажува дека не сте целосно заинтересирани за работата. Од друга страна, пошироката елаборација дава сигнали дека можете да ја преземете иницијативата во свои раце и дека сте подготвени да направите повеќе од тоа што се бара од вас.

Па, како да одговорите на овие прашања?

Кога одговорот е да, секогаш гледајте да елаборирате со додавање на детали. Претворете го одговорот со еден збор во робусна приказна која ја нагласува вашата експертиза и искуство. Подобрувањето на таа приказна со детали за самиот процес и вклучување на статистички податоци и резултати е насоката во која треба да се движи вашиот одговор.

Кога одговорот е не, имате неколку опции. Секогаш започнете со признавање на фактот дека вашиот одговор е не, а потоа елаборирајте од таму. Не треба да лажете и да кажете да бидејќи никогаш не можете да го поддржите тоа “да“ со факти или детали.

Еве ги трите најчести да/не прашања кои се вртат на интервју за работа, и како правилно да одговорите на истите:

Дали некогаш сте...?

Ако сте направиле нешто што е директно поврзано со прашањето, зборувајте за тоа. Ако совладувате некоја вештија која е релевантна, објаснете што всушност претставува таа вештина и зошто е важно да ја научите. Ако ниту една од овие опции не е остварлива, едноставно продолжете велејќи дека не сте го направиле тоа досега, но сте подготвени да научите.

Дали знаете како да...?

Најдобриот одговор за вое е “се‘уште не“. Ова прашање вообичаено се поставува во смисла на технички вештини, како што е познавање на некој програмски јазик или како да се користи одредена апликација. Ако сте користеле слична програма во минатото, зборувајте за тоа. Ако е нешто сосема ново или непознато за вас, одговорерте: “Не се’ уште, но сакам да научам. Со ова покажувате дека сте искрени и подготвени за стекнување на нови знаења.

Дали сте добри во...?

Станува збор за прашање кое се поставува во смисла на меки вештини како што се лидерство, тимска работа и комуникација. Овие прашања отвораат можност за вистински да ги покажете своите вештини. Зборувајте самоуверено за вашите способности и за тоа како вашите таленти ве прават вистински кандидат за работата. Немојте да бидете премногу горделиви, но во исто време, избегнувајте да бидете премногу скромни. Како и да е, одговорот на ова прашање не би требало да биде “не“. Ако е така, детално елаборирајте го вашиот одговор, но не се изненадувајте доколку интервјуерот покаже разочарувачки израз.

Не секој одговор на овие прашања мора да биде поврзан со работата. Ако имате релевантно искуство надвор од работата, совршено е прифатливо да зборувате за тоа. Тоа, всушност, може да ви помогне бидејќи ги покажува вашите пошироки таленти и интереси. Но, водете сметка за релевантноста на вашиот одговор.

Тргнете подготвени во потрагата по работа! Следете ги нашите совети и добијте ја работата од соништата!

Целиот процес тече одлично. Вашата апликација резултира со интервју за работа. Добро се согласувате со вашиот иден работодавач и му се заблагодарувате на одвоеното време. Според вашите проценки, разговорот за работа поминал одлично, но на крајот сепак не ја добивате работата. За грешките кои треба да ги избегнете советува директорката на HR секторот во компанијата Wolters Kluwer’s Global Platform Organization, Џудит Џенсенс.  

Можеби сте кандидат со најдобри квалификации, а во текот на разговорот си пукате во нога.

“Често гледам добри кандидати како се губат во неважни детали и не забележуваат дека ја губат публиката“ – вели Џудит Џенсенс, HR директорот на Wolters Kluwer’s Global Platform Organization (GP) со седиште во Холандија.

Пренагласување на одредени квалитети

Губењето во неважни детали не е единствениот проблем. Кандидатите често сакаат да стават во фокус само еден детаљ од нивното CV што може да биде поволно за нив, но само ако го темпираат времето. Размислете кога е идеалното време на вашиот работодавач на му објасните зошто баш вие имате одлични лидерски способности – додека разговарате за своите способности кои сте ги стекнале или додека објаснувате за некоја празнина во вашето CV.

Џенсенс советува дека треба да одговорите секогаш кога ќе ви постават прашање. Немојте да го зборувате тоа што мислите дека регрутерите сакаат да го слушнат. Одговорете на прашањето, а потоа најдете мост до тоа што сакате да го истакнете во позитивна смисла.

За жал, интервјуто нема секогаш да се движи во правецот во којшто вие сакате. Што да направите кога работодавачот ќе ги “улови“ вашите слабости?

“Ако до самиот крај на интервјуто не сте добиле шанса да ги нагласите своите специфични квалитети за коишто мислите дека работодавачот мора да знае, она што можете да го направите е самите да направите место за тоа “ – вели Џенсенс.

За крај, искусната HR менаџерка додава: “Сосема е во ред да се каже: она што би сакал дополнително да го споделам со вас е…“.

Работодаваците не гледаат само на горенаведените работи, па затоа мора да внимавате и на некои ситници бидејќи нивното внимание не е насочено само кон тоа што вие го зборувате, туку и како зборувате, говорот на телото, но и облеката која ја носите.

Business Insider пишува за три детали кои на ниту еден работдавач нема да му се провлечат.

Изглед – од глава до пети

Сигурно знаете како треба да се облечете за на интерјву, имате избор од неколку одела и обувки, сепак, тоа не е секогаш доволно. Добро внимавајте кога се подготвувате за на интервју за работа и погледнете се неколку пати во огледало пред да донесете финална одлука. Доколку сметате дека треба да се избричите, напраете го тоа. Ако ноктите ви се неуредни, средете ги. Секое “влакно“ кое не е на свое место, нечистотија на обувките или облеката е нешто што може многу лесно да го оттргне вниманието на работодавачот од она што всушност го говорите и што е најважно, може да оставите впечаток на непрофесионалец.

Совет: Добро погледнете се во огледало и доколку некоја работа не е на своето место, решете го проблемот пред да го започнете интервјуто.

Користење на “ммм“ или “’а“ помеѓу зборовите или речениците

На секого може да му се случи да употреби “ммм“ или “’а“додека зборува, без тој да биде свесен за тоа. Во обичен разговор, тоа не е воопшто страшно, но на интервју за работа – мора да го контролирате. Постојаната употреба може да направи да изгледате нервозно и неподготвено што всушност ви ги намалува шансите за добивање на работата. Првиот чекор за решавање на овој проблем е разбирање на причината поради која ви се случува тоа. Пред интервјуто, почнете да размислувате за тоа колку често ви се случува да ја повторувате оваа навика додека зборувате. Оваа навика се користи за да се пополнат периодите на неудобна тишина или додека се во потрага по вистинскиот збор за да ја довршат мислата.

Совет: Не велат беспотребно дека молчењето е злато, затоа не се плашете да го практикувате кога е потребно. Доколку не сте сигурни во одговорот кој треба да го дадете или пак го барате вистинскиот израз, подобро е да направите кратка пауза пред да одговорите. “Дозволете ми да размислам“ или “Одлично прашање“ се израси кои можат да ви помогнат да купите време за да го формулирате вашиот одговор.

Фаќање забелешки

Пишувањето на забелешки во текот на интервјуто за работа е начин да покажете дека сте заинтересирани за работната позиција бидејќи на тој начин докажувате дека ве интересира што точно од вас се очекува и слично. Исто така, не доаѓајте на интервју со неуреден нотес и обично пенкало кое случајно сте го пронашле во џебот. Исто како и облеката, вашиот прибор мора да излгеда професионално.

Совет: Фаќањето забелешки не е важно само за оставање на позитивен впечаток, туку и за подоцна да се потсетите на деталите за кои сте разговарале на интервјуто. Не ви треба скап прибор, туку нотес и пенкало што изгледаат во ред.

Можеби некои од овие работи ви изгледаат како неважни ситници, но верувале или не, работодавците и те како забележуваат такви детали. Погрижете се околу нив за вашиот посакуван работодавач да може да се фокусира на вашата вистинска вредност и потенцијал.

Ви се допадна овој совет? Следете ги сите наши совети за професионалци на следниот линк.  

Прочитај: Прашање на интервју за работа кое е преземено од Брус Вилис, а точно го одговара само 1 од 200 кандидати

Одржувањето на пријатна атмосфера на работа е од големо значење за вашето лично чувство на исполнетост и задоволство, а има влијание и врз постигнувањето на вашите успеси. Прочитајте неколку кратки совети за зацврстување на врската со колегите на работа, што воедно ќе направи да се чувствувате подобро во текот на тие 8 часа кои секојдневно ги поминувате на работното место.

Секое утро расположено кажете „Здраво“

Доаѓате на работа со очите вперени во подот, рамениците спуштени долу и веднаш почнувате да работите? Ако е така, не е ни случајно што вашите колеги ве игнорираат (во најдобар случај) и ве избегнуваат (во најлош случај). Нека ви стане навика кажувањето „здраво“ на колегите, со тон на расположеност и среќа. Правете го тоа кога ќе дојдете на работа или кога ќе ви почне смената. Неверојатно е тоа колку малку пристојност е потребно за добри релации со колегите на работа.

Кратки разговори

Прашајте ги колегите за нивните интереси – омилената книга, филм, јадење, хоби. Покажувајќи интерес, ќе направите да им е пријатно зборувањето со вас. Овие кратки разговори правете ги за време на паузата, бидејќи во канцеларија е навистина непријатно. Правејќи ги овие разговори ќе ги потсетите колегите дека вие не сте само вработен или колега, туку и човек.

Прашајте за нивно мислење

Луѓето сакаат да бидат прашани за мислење, па затоа слободно прашајте: „Што мислиш дека му недостига на извештајот?“ или „Како ти би ја решил оваа ситуација?“. Потоа, заблагодарете се дури и ако идејата или предлогот не биле од голема помош.

Избегнувајте озборувања

Сигурно не сакате да зборуваат за вас позади грб. Затоа, не правете им го тоа на другите. Ако некој колега ви пријде и почне да ви раскажува љубовна романса од канцеларијата, вие само одговорете со прашањето „Навистина?“. Потоа, сменете ја темата на разговор или вратете се на тоа што сте го работеле. Ако не одговорите, озборувачот ќе продолжи да зборува, а така вие брзо ќе ја изгубите довербата кај другите колеги.

Разговор со комплициран колега = разговор со мало дете

Ова е едноставна визуелизација која ќе ви помогне да останете прибрани. Кога мало дете поставува многу прашања кои понекогаш ви изгледаат чудни, вие пристојно му одговарате и не му викате со силен тон. Така, кога разговарате со ваш колега кој е малку комплициран, бидете присебни и прибрани. Сигурно не сакате колегите да ве гледаат како лесно се нервирате и гласно зборувате.

Не бидете себични со комплиментите

Поделете некој комплимент за колега кој престанал да пуши, си ја уредил канцеларијата или направил некое достигнување на приватен или професионален план. Ова е затоа што многу почесто се  фокусираме на негативните нешта, отколку на позитивните. Неколку убави зборови на секого му ја топлат душата.

Пратете e-mail или одговорете на повик на време

За да ги придобиете колегите на работа како пријатели, добро е да почнете од основните добри манири. Нема ништо пофрустрирачки од неодговорена електронска порака, смс или телефонски повик. Тоа што вие не одговарате само ја отежнува работата и испраќа непријатна порака од вас кон нив која гласи: „Не си ми толку важен“ .

Вратете му на колегата со иста мерка

Ако колегата завршил некоја важна работа за вас, убаво е да му вратите со иста мерка кога следниот пат ќе се појави ист или сличен случај.

ekonomski.mk

Истражувањата покажуваат дека повеќето менаџери за човечки ресурси во првите 90 секунди од разговорот со кандидатот одлучуваат дали ќе му дадат шанса за работа. Од исклучително важно значење е кандидатот да се подготви што е можно подобро и да му покаже на работодавачот дека може да смета на него за било што.

Не е спорно дека работната биографија, односно знаењето, вештините и искуството, се најважните фактори во процесот на селекција, но ако има голем број слични кандидати, тогаш навидум, малите нешта може да донесат голема предност.

Еве на што треба да обрнете посебно внимание:

ПРВИОТ ВПЕЧАТОК

Статистичките податоци велат дека 55% од првиот впечаток се однесува на начинот на облекување, однесувањето и движењето кога ќе влезете во просторијата каде што се одржува интервјуто за работа, 38%  квалитетот на вашиот глас, односно граматиката и самодовербата и 7% за избор на зборови.

Две третини од работодавачите истакнуваат дека не сакаат кандидати кои премногу обрнуваат внимание на својот изглед и начинот на облекување. Тој може да биде пресуден фактор при донесување одлука помеѓу двајца кандидати со слични квалитети.

НАЈЧЕСТИ НЕВЕРБАЛНИ ГРЕШКИ

Пред да започнете со интервјуто за работа, односно да разговарате со потенцијалениот работодавач, внимавајте на следните грешки:

- Остварете контакт со очи при разговорот.

- Културно ракување на дистанца.

- Не сте доволно информирани за компанијата во која аплицирате.

НАЈЧЕСТИ ВЕРБАЛНИ ГРЕШКИ

Многу е важно специфично, концизно и јасно да одговорите на прашањата поставени од вашиот менаџер за човечки ресурси и еве што не смеете да правите:

- Предолго објаснувајќи зошто ја изгубивте претходната работа.

- Хумор во преголема доза.

- Недостаток на ентузијазам.

- Нагласување на сопствените желби и потреби.

Секако, пред сè, потребно е да ја запознаете компанијата во која сакате да работите, позицијата за која сте аплицирале и да бидете свесни за знаењето и вештините што ги поседувате, а кои се неопходни за таа позиција.

Без оглед на тоа дали тукушто сте почнале да барате работа, или веќе имате па барате подобро работно место, не можете да си го дозволите себеси тој „луксуз“ да престанете да се докажувате. Одамна е поминато времето кога само работното (не)искуство и образованието беа релевантни на работодавачите при избор на адекватни кандитати. Големата невработеност им даде можност на работодавачите да бираат помеѓу големиот број кандитати, од кои повеќето се со скоро идентични CV-ја, така да е потребно многу повеќе од само добра биографија за да стигнете до посакуваното работно место.

Истражувањата спроведени меѓу работодавачите покажуваат дека тие најмногу внимание посветуваат на кандидатите кои ги имаат следните шест карактеристики:

САМОУВЕРЕНОСТ

Ако сте тргнале во потрага по работа со предумисла дека измеѓу стотиците кандитати не постојат шанси да бидете изберени баш вие, тогаш уште на самиот почеток сте осудени на неуспех. Ако вие сами не верувате во себе, нема да верува ниту вашиот работодавач.

ПРОФЕСИОНАЛНОСТ

Одредени ситуации на работното место дозволуваат опуштеност, но тоа морате претходно да го заслужите. Ако прв пат се појавувате кај некој работодавач, без разлика дали е тоа разговор за работа или е прв работен ден, обрнете внимание на тоа да покажете почит спрема вашиот соговорник/соговорничка и исто така да бидете пристојно облечени.

ОТВОРЕНОСТ ЗА ПРОМЕНИ И ИНОВАЦИИИ

Во ерата на интернетот и достапноста на голем број информации од сите области, работите на деловен план се менуваат од ден на ден се повеќе и повеќе. Ако не сте спремни да учите нови знаења и вештини, времето брзо ќе ве прегази. Бидете спремни на секој вид на работно усовршување.

ЉУБОПИТНОСТ И НЕЈЗИНАТА ПРИМЕНА НА РАБОТАТА

Љубопитните луѓе се делат во две групи: оние кои ги интересира што се случило и оние кои ги интересира што се случило и зошто се случило. Работодавачите ја сакаат втората група. Доколку адекватно се нурнете во деловните процеси во вашата компанија, тогаш ќе знаете како да реагирате доколку дојде до застој во нив.

ТИМСКА РАБОТА

Во сериозните компании, тимот е секогаш над поединецот. Ако сте спремни да им помогнете на другите во вашиот тим и да ги ставите тимските потреби над личните, тогаш вие сте идеален тип на работник и добар ментор за новите вработени. Придонесот на таквите лица за конечниот работен успех е огромен.

САМОСТОЈНОСТ ВО РАБОТЕЊЕТО

Ниту еден работодавач не сака засекогаш да им игра „мама и тато“ на своите вработени. Работодавачите сакаат кандидати кои се свесни за своите работни обврски, кои ги исполнуваат на адекватен начин и на кои никој не мора секој ден да им кажува што треба да прават.

Срамот и несигурноста можат да бидат големи пречки, но социолозите сугерираат дека со правилниот пристап, барањето за покачување може да биде успешно и корисно за кариерата.

Според најновите истражувања, ако го испратите вашето CV во текот на вечерните саати ќе направите голема грешка.

Неодамна, истражувачите на TalentWorks анализираа преку 1.600 апликации за вработување во различни области за да утврдат дали постои идеално време за испраќање апликации на оглас.

Нивните анализи покажаа дека кандидатите кои аплицирале во 19 часот и 30 минути имаат најмали шанси да бидат повикани на интервју. Оние кандидати кои ги испратиле своите биографии после 16 часот имале само 5 отсто шанса да бидат вработени.

ИДЕАЛНОТО ВРЕМЕ ЗА АПЛИЦИРАЊЕ НА ОГЛАС

Според истражувањата, најдобро време за испраќање на апликациите епомеѓу 6 часот и 10 часот наутро. Кандидатите кои во текот на овој период ги испратиле своите апликации имаат до 5 пати поголеми шанси да бидат повикани на разговор за вработување. Дополнително, важно е да го испратите вашето CV во рок од 3 до 4 дена откако е објавен огласот за работа. 

Од TalentWorks велат дека комбинацијата на овие два совети значително ја зголемуваат вашата шанса да ја добиете посакуваната работа.

Колкупати досега ви се случило одлично да поминете на телефонскиот скрининг или иницијалното интервју за потоа да добиете краток и љубезен одговор дека не сте поминале во следната фаза од процесот на регрутација? Сигурно се прашувате: “Што направив погрешно?“.

Некои кандидати испраќаат повратен мејл со цел да ја дознаат причината за нивното отфрлање, меѓутоа многу често остануваат без одговор.

Целиот тој процес на одбивање неминовно доведува до пад на вашата самодоверба и криза во кариерата што дополнително го отежнува процесот на барање работа.

Зошто е тоа така и каде е проблемот?

Многу е веројатно дека сте завршиле добра работа на првото интервју. Меѓутоа, проблемот не е во тоа дали сте успеале да оставите добар впечаток, туку во тоа дека процесот на вработување е доста непредвидлив. Еве три причини поради кои не успевате да дојдете до второ интервју:

Недостаток на релевантно работно искуство

Целта на првото интервју е да се процени длабочината на вашите знаења и вештини кои се бараат во индустријата во која работите. Имајте предвид дека секоја компанија е различна така што може да се случи и покрај тоа што ги исполнувате условите наведени во огласот, компанијата да процени дека не сте доволно добри за да ви се понуди работа. Тоа не значи дека вие не сте способни да ја завршите работата, туку дека се појавил друг кандидат со подобра професионална позадина од вашата.

Компанијата го променила курсот

HR менаџерите и другите професионалци кои го водат процесот на вработување многу често знаат да ги променат своите преференции во однос на идеалниот кандидат по првиот круг на селекција. Тоа е така бидејќи често се случува иницијалното интервју да му помогне на раководителот да го одреди вистинското ниво на вештините и искуството кое е потребно за работата. Замислете како му е на регрутерот кога понекогаш мора да распише нов оглас кој ќе одговара на новите барања од неговиот надреден.

Другите кандидати имаат интерни поддржувачи

Најдобриот адут кој може да го имате кога поминувате низ процесот на вработување е тоа некој од внатре да делува како ваш промотер. Станува збор за колеги, соработници и партнери со кои некогаш сте соработувале и можат да порачаат дека вие сте одличен кандидат. Имајќи некој кој ќе гарантира за вашето искуство и карактер му помага на HR Менаџерот да визуелизира како ќе се вклопите во културата на компанијата.

Поентата што сакаме да ја постигнеме во овој текст е дека не можете да знаете која е вистинската причина за тоа зошто не сте повикани на второ интервју и дека никогаш не треба да се обвинувате исклучиво себеси за тој резултат. Запомнете дека ниту една компанија не ве одбива во крајност, туку ви вели “не во моментов“. Ниту една компанија не ги отпишува кандидатите после едно интервју. Бидете во тек со новите огласи за вработување и не се откажувајте. На крајот на денот ако тоа е компанијата каде што сакате да работите, играјте на долги стази.

На регрутерите им се потребни помалку од 30 секунди за да поминат низ вашето CV и да одлучат дали ќе бидете поканети на интервју. Тоа значи дека вашата биографија има само неколку секунди да го привлече вниманието на потенцијалниот работодавач. Ако навистина ви значи да ја добиете работата, дадете се од себе за да дојдете до тоа внимание.

Подолу се наведени три најчести грешки што лицата кои бараат работа ги прават во процесот на аплицирање:

1. Бескрајно наведување на ирелевантни работни искуства во CV

Да, работодавците сакаат да знаат повеќе за вас, но тоа не значи дека во вашето CV треба да го вклучите сето она што некогаш сте го направиле. Тоа значи дека не треба да вклучувате работни искуства од минатото кои не се релевантни за конкретната позиција за која аплицирате. Тоа што некогаш сте биле талентиран пица мајстор нема да ви помогне денес ако аплицирате за позицијата сметководител.

2. Неуредно CV

Не постои ништо полошо за еден регрутер од нејасно и неорганизирано CV. На прво место, неуредна кратка биографија дава впечаток дека сте неорганизирана личност која не вложила ни најмал напор. Вашето CV ќе заврши во корпа бидејќи никој не сака да губи време гледајќи во нешто што нема никаква смисла. Ако не се погрижите вие да создадете привлечно и јасно CV, запомнете дека некој друг ќе го стори тоа.

3. Испраќање празна е-пошта со приложено CV

Грешка број еден што голем број работобаратели се‘ уште ја прават при аплицирање на огласи. На овој начин, вие во основа му кажувате на примачот дека не се ни обидувате да оставите одличен прв впечаток. Регрутерот нема да се мачи да го отвори вашето CV бидејќи јасно покажувате недостаток на учтивост и професионализам.

Запомнете дека кратката биографија е исклучително важна во процесот на вработување. Тоа е вашата прва шанса да оставите добар впечаток и да се разликувате од другите, па зошто тогаш да ја уништите таа шанса? Избегнувајте ги овие грешки и бидете чекор поблиску до вашата следна работа од соништата.

Заинтересирани сте за нова работа? Над 400 нови огласи чекаат на вас!

Играњето со предмети, како: пенкало, хартија, е-цигара и слично може да укаже на здодевност или вознемиреност. Држете ги рацете смирени и избегнувајте однесување што го одвлекува вниманието, пишува „Тајмс оф Индија“.

Говорот на телото кажува многу во разговорите за работа, велат стручњаците.

Следат дел од најчестите грешки коишто луѓето несвесно ги прават при таков разговор.

Подгрбавеноста може да изгледа како недостиг на самодоверба и ентузијазам. Совет: Поставете се исправено за да изгледате професионално, посветено и проактивно.

Прекрстените раце на градите може да покажат „одбранбено или затворено“ однесување. Наместо тоа, се препорачува слободно и опуштено држење ги рацете – заради впечаток на „пристапност“ до личноста. А пак, играњето со предмети, како: пенкало, хартија, е-цигара и сл. може да укаже на здодевност или вознемиреност. Држете ги рацете смирени и избегнувајте однесување што го одвлекува вниманието, пишува „Тајмс оф Индија“.

Прекумерната нервоза, со тапкање со стапалото, играње со косата итн., исто така, остава лош впечаток. Наместо тоа, се советува смирен, прибран и сосредоточен став.

Избегнувањето контакт со очите, од страна на личноста спроти Вас, може да се толкува како неискреност или несигурност. Совет: Не ги избегнувајте очите на потенцијалниот работодавец и покажете внимателност, присутност и самодоверба.

Постојаното гледање во часовникот говори дека лицето, кое го интервјуираат за работа, е нетрпеливо или недоволно заинтересирано, па чека времето да мине што побрзо. Избегнувајте да го проверувате рачниот, ѕидниот часовник или оној на мобилниот телефон. Почитувајте го времето на работодавецот и бидете присутни за време на разговорот.

И цврсто прекрстени нозе говорат за прекумерна напнатост. Совет: Се препорачува опуштена положба на телото, со стапалата на подот.

За крај: Иако гестикулацијата често ја подобрува комуникацијата, прекумерното движење со рацете честопати го одвлекува вниманието, изгледа нападно и го нарушува разговорот.

извор: kurir.mk

Повеќето луѓе, 95 отсто, имаат намера да бараат нова работа оваа година, според истражувањето на Monster од јануари 2024 година. И многумина очекуваат тоа да биде предизвик. Повеќе од половина, 68 отсто, сметаат дека ќе биде тешко да се најде со оглед на состојбата на економијата.

Иако барањето работа може да биде предизвикувачко, постојат некои непрепорачливи начини на однесување што може да го отежнат барањето работа.

„Потрагата по одобрување е позната и како очај“, рече Линдзи Мастејн, поранешен регрутер во Amazon и актуелен извршен директор на Talent Paradigm.

Таа додаде дека „тоа е енергијата „избери ме“ што всушност ја отфрла можноста“.

Еве како да избегнете да изгледате очајно кога барате работа, пишува CNBC Make It.

Не аплицирате во иста компанија одново и одново
Избегнувајте постојано да аплицирате за работа во иста компанија, особено за краток временски период.

Ако Линдзи види дека сте „се пријавувале 20 пати во последните две години и никогаш не сте биле ангажирани“, тоа е црвено знаме. Веднаш би помислила дека нешто не е во ред со тој кандидат.

Без оглед на тоа колку сте подготвени за работа, регрутерот веројатно нема да одвои време за дополнително да ја испита вашата апликација.

„Вака можете да влезете на црната листа. Обидете се да ги ограничите вашите апликации на не повеќе од пет позиции што одговараат на вашите вештини во одредена компанија“, советува таа.

Не покажувајте дека сте ранливи или повредени на мрежите
Конечно, ако сте невработени, не објавувајте го статусот на невработеност на социјалните мрежи. Линдзи дава пример за објава како што следува:

„Само што бев отпуштен и имам две деца дома и навистина ми треба друга работа, што побрзо“. Значи, ако можете да ме запознаете со секоја личност што ја знаете која вработува, би ви бил многу благодарен“.

Иако постои причина за сочувство, луѓето кои објавуваат слични статуси „изгледаат повредени“.

Наместо тоа, ако сте отпуштени и сакате да му сигнализирате на светот дека барате нови можности, обидете се да ја прикажете ситуацијата како нов почеток или шанса за раст и споделете конкретни примери за вашите минати придонеси и успеси. Можете исто така да споделите што сте научиле и како вашите искуства ве подготвиле за идните предизвици. Сето ова „покажува приспособливост и напреден начин на размислување“ на потенцијалните работодавци, објасни таа.

Запомнете, „не ви треба никаква работа, само добра работа“, заклучила таа.

извор: biznisinfo.mk

Прашањата за интервју за работа што кандидатот му ги поставува на регрутерот се исклучително важни! Една жена сподели на својот TikTok прашање кое треба да го постави на интервјуата за работа, за кое тврди дека секогаш ја обезбедува работата. Видеото брзо стана вирално, со повеќе од 51.000 прегледи, пишува Women in Adria.

Волшебното прашање
Иако постојат голем број совети и трикови за интервју за работа кои можат да му помогнат на кандидатот да ја обезбеди улогата. Интернетот е полн со совети и трикови, а сите се согласуваат во едно: нема кратенки! Со други зборови, исклучително е важно да ја завршите вашата „домашна задача“ и да се подготвите со проучување на сè што можете за работата и компанијата во која аплицирате. Сепак, некои прашања сигурно имаат малку „магија“ во себе и резонираат во умот на регрутер поинаку од другите. Кетрин Локхарт од Тексас има едно од овие. Таа тврди дека тоа никогаш не ја разочарало.

Ова прашање, објаснува Кетрин, треба да се постави на самиот крај од интервјуто. Кога регрутерот ќе праша: „Имате ли нешто друго што би сакале да нè прашате?“. Одговорете „да“ и потоа поставете прашање.

„Како изгледа извонредноста во оваа улога?

„Ова прашање му дава шанса на регрутерот да објасни малку повеќе за секојдневните функции на улогата, но исто така му дава до знаење дека сериозно сакате да ги исполните и да ги надминете нивните очекувања“, објаснува тој.

извор: biznisinfo.mk

Оној момент пред самото интервју и секундите пред да седнете на "жешкото столче" може да направат да изгледа како времето да запрело. Никој не ги сака, но за жал интервјуата се клучен дел од потрагата за работа.

За среќа, постојат голем број на совети од експерти кои можат да ви помогнат подобро да се подготвите и со тоа да ја намалите непотребната несигурност.

Се е во воведот

Што значи ова? Морате да бидете најдобро што можете спремни за моментот "Кажете ми нешто за себе". Направете листа на вашите најдобри вештини и на само извежбајте го вашиот мини говор. Верувајте дека кога ќе дојде овој момент ќе ви биде многу полесно, бидејќи однапред ќе знаете што би кажале. На овој начин ќе го намалите стресот и анксиозноста, а со тоа ќе звучите и посамоуверено.

Не ја потценувајте моќта на истражувањето

Секогаш, ама баш секогаш истражете за компанијата кај која аплицирате. Научете што е можно повеќе за неа и соберете ги клучните информации. Фактот дека сте одвоиле време за да прочитате ќе значи дека сте сериозно заинтересирани за позицијата и фирмата. Тоа е голем плус за вас и вашите шанси за вработување.

Невербалната комуникација е клучот

Обрнете внимание на говорот на вашето тело. Не ги прекрстувајте рацете и немојте да гледате доле или на страна. Директниот контакт и повремената насмевка се клучната комбинација за оддавање на позитивен впечаток.

Замислете дека пред вас се наоѓа оглас за работа од вашите соништа. Знаете дека ги поседувате сите потребни квалификации. Знаете дека добро ќе се вклопите во компанијата. Правите совршена и приспособена кратка биографија и мотивациско писмо и потоа ја испраќате вашата апликација до работодавачот преку мејл.

Потоа чекате... и чекате... и ништо. Поминале две недели, а вие уште не сте добиле повратен одговор.

Зошто?

Затоа што никој не ја видел вашата апликација.

А зошто е тоа така?

Затоа што не сте ја испратиле вашата апликација на вистинскиот начин.

Сепак, не грижете се, бидејќи ние ќе ви откриеме ефективен и лесен начин за испраќање на кратка биографија преку мејл. Еве неколку совети како да напишете мејл со кој ќе ја добиете секоја работа:

Ставете наслов кој привлекува внимание

Знаеме дека најголемиот дел од работодавците преферираат во насловот на мејлот да се стави називот на работното место за кое аплицирате меѓутоа обидете се барем да смислите некоја кратка фраза која ќе го содржи тој елемент, а сепак ќе ве издвои од останатите кандидати.

Обратете му се директно на лицето кое е одговорно за вработување

Персонализирајте ги вашите апликации со тоа што ќе му се обратите директно на HR Менаџерот на компанијата. Неговото име и презиме може да го пронајдете многу лесно на LinkedIn, а тоа му покажува на работодавачот дека сте се потрудиле да истражите повеќе за компанијата.

Во првиот пасус, објаснете кои сте вие и зошто го испраќате овој мејл

Откако ќе му се обратите на лицето кое е одговорно за вработување, претставете се и наведете од каде сте дознале за отворената работна позиција.

Во вториот пасус, наведете ја вредноста што ќе ја донесете во компанијата

Вториот пасус е резервиран за вашиот мотив “зошто аплицирате во компанијата“ и “зошто компанијата треба да ве вработи“.

Завршете го мејлот велејќи дека сте желни да се сретнете лице в лице

На крајот на мејлот, однапред заблагодарете се за издвоеното време и истакнете дека со нетрпение чекате да се сретнете лице в лице.

Додадете професионален потпис со ваши контакт податоци

Вашата апликација ќе изгледа многу попрофесионално доколку направите ваш персонализиран потпис со име и презиме, моментална позиција, контакт податоци и линк од профил на LinkedIn.

Прикачете ја вашата биографија и мотивациско писмо во PDF

Не заборавајте да ја прикачите вашата кратка биографија и мотивациско писмо во PDF, како и да ставите соодветни наслови (име и презиме) на тие фајлови.