Пријава за работа

Се повеќе компании покрај задолжителното CV бараат да доставите и мотивационо писмо. Мотивационото писмо е можност да се покажете себеси во покреативно светло и да објасните зошто токму вие сте вистинскиот избор.

Писмото треба да биде кратко, прецизно и во него да бидат наведени вашите најважни достигнувања. Доволно е тоа да биде напишано на една страна во A4 формат и да не ги содржи истите информации што претходно сте ги навеле во CV-то.

Пред да започнете со пишување треба да направите мини истражување за компанијата за која аплицирате, нејзините цели и проекти. Во горниот десен агол оставете ги вашите лични податоци: вашето име, презиме, адреса, e-mail и телефон за контакт. Доколку не постои дирекно лице на кое се обраќате, започнете го писмото со "Почитуван/и". Структурата на писмото најдобро е да биде составена од три параграфи и завршеток. Секој од тие параграфи треба да биде јасно одделен бидеќи ваквата форма му дава на писмото формален изглед. При пишување секогаш внимавајте на фонтот и граматиката.

Прочитајте и: Регрутерите препорачуваат: 9 најдобри фонтови за твоето CV​

Во првиот параграф станува збор за воведен дел и истиот треба да биде концизен. Во него треба да нагласите за која позиција се пријавувате и притоа да напоменете од каде сте дознале за новоотвореното место.

Вториот параграф ви дава можност да ги опишете вашите претходни работни искуства и какви се обврски сте имале. Доколку немате работно искуство напишете за вашето образование и опишете ги вашите квалитети. Напишете како сметате дека тие во комбинација со вашата желба за учење и усовршување ве прават совршен кандидат.

Третиот параграф е место каде ќе посочете што ве мотивирало да се пријавите за позицијата. Ова е одлична можност да го искористите истражувањето што претходно сте го направиле за компанијата и да објасните како може да придонесете за нејзиниот развој.

Во завршетокот заблагодарете се што вашата пријава ќе биде земена во предвид и дека однапред се радувате на понатамошниот личен контакт.

Пред да го испратите писмото прочитајте го неколку пати и проверете за печатни грешки.

Со среќа при аплицирањето!

Прочитајте и: 10 најчести прашања на интервју за работа​

Интервјуто за работа се одвива точно како што се надевавте. Ги исполнувавте сите потребни квалификации, вашата презентација беше самоуверена и верувате дека имате големи шанси да ја добиете оваа работа.

Потоа го слушате добро познатото  прашање: „Која е вашата очекувана плата?“

Вистина е дека повеќето компании имаат добро дефиниран опсег на плати во зависност од позицијата. Ова прашање честопати се поставува за да се утврди како се оценувате, но и да се утврди дали вашите очекувања се во согласност со она што тие можат да го понудат. Затоа, работодавачот често инсистира да го наведете точниот износ на плата што би ве задоволил.

Што да направите кога ќе се најдете во таква ситуација?

Направете детално истражување

Прво, дефинирајте колкав е опсегот на плата за работата што ве интересира. Потоа земете ги предвид градот во кој се наоѓа компанијата, платата која се нуди , марката, но и вашето релевантно работно искуство досега.Ако ви треба помош побарајте на МОЈА ПЛАТА

Внимателно изберете ја платата

Ако знаете дека плата од 500 евра не ве задоволува, не кажувајте дека би биле подготвени да прифатите плата  од 500 до 700 евра. Секогаш внимателно размислете за прифатлива долна граница, бидејќи може да се случи вашиот работодавач да ви ја понуди токму таа цифра.

Вашата плата и Вашите потреби се две различни работи, не ги мешајте!

Идеално, платата може да ги покрие сите трошоци што ги имате, но, имајте го во предвид она што го нуди пазарот. Ако платата за вашата посакувана работа во моментов е помеѓу 500 и 700 евра, не можете да очекувате од вашиот работодавач да ви понуди повеќе или онолку колку што мислите дека ви треба. Осигурајте се дека вашите очекувања се во согласност со она што го нуди пазарот.

Платата е табу-тема на денешницата

Би било идеално ако вие и работодавачот имате исти очекувања во врска со вашата идна плата, но, и ако малку се разликуваат, може да се постигне договор. Најважно е ова да не стане табу - тема: кога ќе ве прашаат за очекувањата, едноставно одговорете им врз основа на подготовките што сте ги направиле пред интервјуто за работа. Аргументирајте и покажете дека сте биле добро информирани и сте размислувале за темата пред да дојдете на интервјуто.

Мотивациското писмо не е задолжително за секој оглас за вработување, но тоа не значи дека треба да го изоставите. Вашето мотивациско писмо е можност да ја збогатите вашата кратка биографија со дополнителни информации кои ќе ви помогнат да се истакнете помеѓу останатите кандидати.

Мотивациското писмо е важно затоа што им овозможува на кандидатите да се поврзат и да му се обратат директно на менаџерот одговорен за вработување. Кога пишувате мотивациско писмо, целта е да се поврзете, односно да пронајдете заедничка врска со вашиот иден работодавач. Разликата помеѓу CV и мотивациско писмо е во тоа што кратката биографија ги изразува вашите вештини и искуства, додека пак, мотивациското писмо повеќе зборува за вашиот карактер.

Напишете одлично мотивациско писмо со вклучување на овие пет елементи:

1. Треба да изгледа како писмо

Мотивациското писмо е формален деловен документ и треба да изгледа како таков. Во горниот лев агол се става името и адресата на примателот и се користи формален поздрав. Бидејќи мотивациското писмо и кратката биографија треба да бидат конзистентни, организирани и усогласени, препорачуваме да го користите истиот формат и фонт за двете работи. Притоа, водете сметка да изберете фонт што може лесно да се прочита бидејќи несоодветните фонтови се тешки за читање и изгледаат непрофесионално.

2. Користете го името на менаџерот одговорен за вработување

Наместо да се користи изразот “на читателот на ова писмо“ направете директна врска со користење на името на менаџерот одговорен за вработување. Ова може да биде голем предизвик во овие денови, бидејќи добар дел од огласите за вработување се објавуваат без да го содржат името на лицето кое вработува. Меѓутоа, најпознатата социјална мрежа за професионалци LinkedIn ви овозможува многу лесно да го дознаете името на HR Менаџерот на компанија преку пребарување на името на компанијата. Доколку успеете да го најдете името на HR Менаџерот, обратете му се со “Почитуван г. [Презиме]“, но доколку не успеете да го направите тоа, започнете го мотивациското писмо со “Почитуван Менаџер за човечки ресурси во [Име на компанијата].

3. Поврзете се со компанијата

Пронајдете и направете врска со нешто што компанијата го прави. Ако сте биле препорачани од некој во вашата мрежа, споменете го тоа веднаш. Во спротивно, направете мало истражување за компанијата и најдете нешто со кое може да се поврзете. Тоа може да го направите со пребарување на Google, отворање на страницата за кариера на компанијата или со читање на текстови објавени во медиумите кои даваат увид во видот на работата што ја прави компанијата.

4. Објаснете зошто сте вистинскиот кандидат

Целта на секое мотивациско писмо е да го натерате читателот да ја прочита првата реченица и да продолжи со читање. Затоа, е потребно брзо и кратко да зборувате за позицијата и за тоа зошто баш вие сте вистинскиот кандидат. Најголемиот дел од мотивациското писмо, кое во целост не треба да биде подолго од половина страна, треба да биде во врска со вашите компетенции и достигнувања кои ќе ви помогнат добор да се продадете за отворената позиција. Затоа, ставете акцент на вашите најголеми достигнувања кои се соодветни за позицијата. Вашето мотивациско писмо треба да биде приспособено на работата, а не повторување и копирање на работите од вашето CV.

5. Не заборавајте на силен завршен дел

Во завршниот дел, наведете некоја фраза како на пример: “Се надевам дека ќе имам можност да направам позитивен импакт врз тимот и работата на компанијата“. Прилагодете го овој дел за да има смисла со позицијата за која аплицирате. Оваа позитивна изјава треба да објасни што ќе направите доколку ви се даде шанса.

Можеби ќе сакате да прочитате:

Регрутерите препорачуваат: 9 најдобри фонтови за твоето CV

25 трик прашања кои се “вртат“ на секое интервју

Без разлика дали се пријавувате на оглас за работа или се претставувате себеси на компанијата/head hunter-от со молба да ве внесе во својата база на потенцијални кандидати за вработување, молбата треба јасно да ги изрази вашите способности, компетитивни предности и потенцијалниот придонес во вашата идна компанија.

Молбата мора да има форма на стандардно деловно писмо
Во горниод денес агол, во првиот ред внесете адреса на живеење, во вториот ред град и поштенски број, а во третиот ред датум. Под датумот оставете еден ред празен, а потоа на левата страна наведете го целосното име на примачот, неговата функција, името на компанијата, адресата, поштенскиот број и градот. Започнете го писмото со “Почитуван г-дин / г-ѓа“, употребувајќи го презимето на лицето на косе се обраќате или неговата функција, а завршете го во деловен стил (“Срдечен поздрав“, “Со почит“ или слично).

Молбата не треба да биде подолга од една страна
Содржината на професионално составена молба треба да биде поделена во три основни параграфи: 

• во првиот параграф наведете зошто се пријавувате на огласот
• во средишниот дел наведете ги знаењата и вештините со кои може да допринесете во конркетната компанија – ова е најважниот дел од молбата
• во завршниот дел одговорете на прашањето зошто ја одбравте токму оваа компанија

Молбата мора да биде составена со цел
Му се обраќате на конкретен работодавач така што мора да покажете дека знаете со кого комуницирате. Никогаш немојте еден ист примерок од молбата да испраќате на неколку различни огласи! Побарајте информации за компанијата за чиј оглас аплицирате, добро истражете каков кандидат бараат (пишува во секој оглас) и во молбата објаснете што ве мотивира да аплицирате. 

Во молбата на работодавачот му го нудите конкретниот придонес
Во кратката биографија сте навеле во што сте добри, а во молбата треба конкретно да го објасните тоа, односно да му опишете на раоботодавачот како вашето знаење може да му биде корисно токму на него. За да го направите тоа, треба да ги разберете специфичните барања на самата работа, визијата и целите на компанијата. Ако ја имате проучено компанијата и содржината на огласот, ќе ви биде многу лесно да го напишете тоа.

Молбата не ги повторува информациите наведени во CV-то
Таа ги нагласува информациите кои се изоставени од вашето CV или пак не се доволно изразени. Кратката биографија е документ што го опишува вашето целокупно искуство. Молбата е документ кој опишува кои делови од вашето искуство би можете да бидат од особен интерес за конкретниот работодавач на кој му се обраќате.

Во молбата е присутна одредена “лична нота“
За разлика од CV-то кое се пишува во подточки, во молбата употребувајте целосни реченици. Ова значи дека стилот на пишување може да каже многу за вас. Искористете го тоа! Наведете ги причините поради кои посебно ја цените компанијата во која аплицирате  и причините поради кои вашето знаење би било од корист за тој работодавач. Задржете го професионалниот облик на комуникација и изоставете било кавки информации за вашиот приватен живот.

Во молбата наведете го работното место за кое аплицирате
Кандидатите многу често ја започнуваат молбата со фразата “Се пријавувам на Вашиот оглас...“. Компаниите многу често имаат повеќе од еден активен оглас па поради тоа наведете го називот на работната позиција за која аплицирате, се со цел вашата молба да биде разгледана во правилен контекст.