После сакандалот со препишувањето на дравната матура, Новоизбрабата ректорка на УКИМ, проф. д-р Билјана Ангелова за Фектор вели дека враќање на приемните испити на факултетите во овој момент нема да го реши проблемот, а основна причина за ваквиот нејзин став е тоа што квотите за упис на факултетите се многу повисоки од бројот на матуранти, така што секој матурант што решил да го продолжи своето образование, ќе може да се запише на некоја од високообразовните установи во земјава.
-Воведување на задолжителен приемен испит за упис на факултетите на среден рок може да даде резултати, но за тоа се потребни пари и политичка воља, нагласува професорката Ангелова.
Истовремено, и социологот, проф. д-р Илија Ацески одговара и евалуира на ова прашање
-Можеби само 30 отсто од завршените матуранти знаат што точно сакаат, останатите се прашуваат: „каде да одам“? Едноставно не знаат. Нема систем ниту во основното училиште, ниту во средното кој ќе ги евалуира, кој ќе и покаже за што се надарени. Тоа е првиот проблем за ова што сега ни се случува. Вториот проблем е тоа што во последниве години дури 90 отсто од матурантите кои се запишуваат на факултетите, да не кажам и повеќе, се одлични и скроз одлични. Тоа се разбира не е реално. Значи, секако ни е потребен филтер за да се издвои квалитетот. Приемните испити кои беа услов за запишување на некои од факултетите децении наназад беа одличен систем на евалуација кој ќе влезе во високото образование, но сега се запишуваат сите кои сакаат. Ако не успеат на еден, ќе се запишат на друг факултет во вотриот уписен рок, во третиот уписен рок. Има место за сите, посочува професорот Ацески.
