Работниците во приватниот и јавниот сектор годинава треба да добијат регрес за годишен одмор. За вработените во приватниот минималната сума што треба да биде исплатена изнесува 16.800 денари, односно 40 отсто од просечната плата исплатена во последните три месеци, додека за вработените во државниот сектор сумата е нешто помала и изнесува 11.000 денари.
Исплатата треба да се изврши до крајот на годината, а законски може да почне да се исплаќа од мај. Услов за исплата на К-15 е работникот најмалку шест месеци во календарската година да работи кај ист работодавец. К-15 им следува и на оние работници што ја смениле работата, ако претходно непрекинато работеле половина година во иста компанија.
За работодавачите што нема да им исплатат регрес за годишен одмор на своите вработени, Законот предвидува казна до 4.000 евра, од кои од 2.000 до 3.000 евра за компанијата и од 500 до 1.000 евра за одговорното лице во неа.
