Инженер технолог (насока Хидраулично инженерство)

Обезбедено приватно здравствено осигурување и напредок во кариерата согласно личните постигнувања, месечни и квартални бонуси за безбедно и одговорно работење, исплата на максимален износ на регрес за годишен одмор, обезбедена стабилна и сигурна работа со почитување на сите законски одредби. Ова се само дел од поволностите кои ги нудиме.

Нашата компанија, Макстил АД Скопје (www.makstil.com) е дел до глобална групација, со долгогодишна традиција и репутација на светскиот пазар во металопреработувачката индустрија. Ова ни овозможува да нудиме најдобри услови за работа на нашите вработени.

Во моментов, во рамки на нашиот тим за одржување, отворено е следново работно место:

ИНЖЕНЕР ТЕХНОЛОГ (насока Хидраулично инженерство)

Работни задачи:

• Се грижи за оптимално искористување на постројките во делот на хидраулика, пневматика и подмачкување;
• Предлага методологии за интервенции, при извршување одржувачки задачи во делот на хидраулика, пневматика и подмачкување;
• Контролира спроведување на потребните мерки, средства и опрема за безбедно извршување на работните задачи;
• Ја координира и контролира дневната работа на тимовите;
• Ја контролира за состојбата на резервни делови;
• Изготвува барања за набавка на резервни делови;
• Врши подигање на делови од магацин и ги снабдува со делови оперативните извршители;
• Планира резервни делови за тековно одржување и ремонт:
• Учествува во имплементација на нови проекти;
• Изработува неделни и месечни извештаи за обемот и квалитетот на извршените работни задачи.

Основни квалификации:

• Високо образование – Дипломиран машински инженер (Хидраулично енергетско инженерство или Хидраулично инженерство);
• 3-5 години работно искуство во областа на хидраулика, пневматика и подмачкување;
• Одлично познавање на англиски јазик.

Основна одговорност

• Ја контролира состојбата на резервни делови;
• Планира резервни делови за тековно одржување и ремонт;
• Изготвува барања за набавка на резервни делови;
• Технички ги оценува пристигнатите понуди.
• Врши подигање на делови од магацин и ги снабдува со делови оперативните извршители во согласност со планот и налогот за работа;
• Го контролира и технички го поддржува вградувањето на деловите при припрема на склопови;

Дополнителни квалификации

• Познавање на хидраулични компоненти,
• Способност за техничко разбирање на хидраулични шеми,
• Компјутерски вештини: MS Office, Solidworks, AutoCAD,
• Способност за водење на тим и менаџирање;
• Флексибилност, адаптибилност и способност за работа во динамично опкружување;
• Самоиницијативност и посветеност;
• Прецизност и аналитичност;
• Способност за работа под притисок и со рокови;
• Тимска работа и кооперативност.

Доколку сакате да станете дел од нашиот тим и имате искрена желба за учење на нови работи, испратете ја вашата кратка биографија по електронски пат на kariera@makstil.com.mk, со назнака за работното место за кое аплицирате, најдоцна до 28.04.2024 година.

Макстил АД Скопје обезбедува еднакви можности за вработување на сите кандидати и води посебна грижа за заштитата на лични податоци и за доверливоста на Вашата апликација.

Согласно Законот за заштита на лични податоци вашата апликација и податоците ќе се користат исклучиво за потребите за вработување за работното место Инженер технолог (насока Хидраулично инженерство) и ќе бидат избришани од нашата дата база во рок од 5 дена по склучување на договор за вработување со избраниот кандидат.