Продажен претставник за деловни корисници (Охрид, Струга и Кичево)

Ние сме првиот и најдобар телекомуникациски оператор во Македонија, и веќе 23 години сме горд член на Групацијата Дојче Телеком. Нашата мисија е сите наши корисници да добијат исклучителни услуги и грижа, па поради тоа постојано инвестираме во најнови технологии и најиноватвни продукти, услуги и процеси со кои ги задоволуваме и најпребирливите барања и потреби на нашите корисници. Нашите корисници се во фокусот на нашето работење и за нив обликуваме дигитални продукти кои ќе ги доближат нашите услуги до секој корисник, во секое време и од секаде на едноставен, комфорен и доверлив начин.

Нашите вработени се нашето најголемо богатство, а ние им обезбедуваме можности да го развијат својот потенцијал и да дадат свој придонес со своите силни страни и идеи, да бидат креативни, да работат со голема автономија, фокусирани на резултатите и корисниците, но и да се забавуваат додека сме на работното место.

Приклучете ни се и заедно ќе работиме на проекти преку кои оставаме белег во општеството, вложувајќи во професионалниот и личниот развој, кој е неминовен. Ајде заедно да го создаваме дигиталниот свет од иднината.

Продажен претставник за деловни корисници (Охрид, Струга и Кичево)

Во моментов бараме Продажен претставник за деловни корисници за регионите Охрид, Струга и Кичево кој би се приклучил на нашиот тим и би учествувал во продажните активности за нашите деловни корисници преку градење и воспоставување на континуирана соработка. Користејќи проактивен пристап Продажниот претставник за деловни корисници ќе обезбедува зголемување на задоволството на корисниците и ќе има значителна улога во растот на компанијата.

Работни задачи:

• Извршување на проактивни продажни активности со што би се исполниле месечните цели по производи и услуги
• Редовни деловни посети на потенцијалните и постоечките корисници
• Подготовка на деловни понуди и интегрирани решенија (продукти и сервиси од мобилна и фиксна телефонија и ICT решенија ) за потенцијални и постоечки корисници
• Подготовка на детален план за активности за привлекување и задржување на корисници
• Анализа на корисничките потреби и подготовка на продажен план
• Презентација, преговори и склучување на договори со корисници
• Континуирано следење на процесите за реализација и проверка на нивниот статус
• Одржување на постојан контакт, официјална коресподенција и поддршка на корисници

Потребни квалификации:

• Диплома од Факултет од областа на Електротехника, Телекомуникации, Компјутерски науки или Економија
• Минимум 3 години релевантно работно искуство
• Познавање на Microsoft Office и други компјутерски апликации
• Ориентираност кон корисници
• Одлични комуникациски, преговарачки, презентациски и организациски вештини
• Аналитички способности и способност за решавање на сложени проблеми
• Способност за донесување одлуки, стратешко размислување, самодоверба, прецизност, креативност и доверливост

Што очекуваме:

• Тимски играч
• Проактивност
• Ориентираност кон резултати
• Аналитички вештини
• Вљубеник во технологијата

Ова е возбудлива можност за динамичен поединец кој сака да напредува во брзорастечка средина и е подготвен да учествува во градењето на успехот на бизнисот. Доколку ги поседувате потребните вештини и квалификации, ве охрабруваме да аплицирате и да станете дел од нашиот тим.

Што нудиме:

• Работа во интернационална компанија по стандарди на ДТ методологија
• Плата и финансиска мотивација (компетентен бонус) согласно утврдените интерни акти на компанијата
• Можност за континуирано професионално усовршување и развој
• Приватно здравствено осигурување
• Службен мобилен телефон и бенефиции од користење на услугите на МКТ
• Останати бенефиции како вработен во МК

Работно време:

Работното време на компанијата е флексибилно во траење од 8 часа (со почеток помеѓу 08:00 и 09:00 часот и завршување помеѓу 16:00 и 17:00 часот)

Како да аплицирате: Вашето CV испратете го електронски на апликацијата на следниот линк http://www.telekom.mk/tekovni-oglasi.nspx или на адреса на Македонски Телеком АД Скопје, ул. Кеј 13 Ноември бр.6 со назнака оглас за вработување на Продажен претставник за деловни корисници.

Контакт информации тел. 02/2 3 242-694

Огласот ќе биде отворен од 05.06.2024 до 16.06.2024.

Забелешка:

Сите примени апликации ќе бидат разгледани со строга доверливост. За одредени позиции е можно да биде спроведен тест на пред-селектираните кандидати, пред да биде направено финалното интервју. За интервју ќе бидат контактирани само кандидати кои ќе влезат во потесен избор.

Нецелосните апликации и оние кои ќе бидат примени по истекот на крајниот рок нема да бидат земени вo предвид.

Македонски Телеком АД го задржува правото да не ја пополни огласената позиција.