.PNG)
АРС СТУДИО е основано во 2000 година. Kако центар за едукација и издаваштво на книги, се стреми кон обезбедување на високо-квалитетна услуга за одржување на курсеви, реализација на преведувачки услуги, издавачка дејност и продажба на книги, согласно законската регулатива и меѓународните стандарди од оваа област. АРС СТУДИО континуирано го следи степенот на задоволство на клиентите и ги проучува нивните препораки и барања, а притоа истите ги користи за подобрување на карактеристиките на своите производи и услуги.
Во рамките на АРС Студио можностите да се биде успешен и шансите да напредува се еднакви за сите оние што ќе успеат да се квалификуваат да бидат членови на нашето семејство.
АРС СТУДИО има потреба од Специјалист за продажба со најмалку 3 годишно искуство во продажба чија одговорност ќе биде помагање и консултација на клиентите при купување книги и/или учебници, одговорно водење на работата на книготеката, примање и спроведување нарачки, одржување и презентирање на производите.
Потребно е кандидатот да има познавање од книжевноста, од областа на историјата, психологијата, филозофијата, да има чувство за класична и модерна литература, да е во тек со новите книжевни достигнувања, личност која постојано се надоградува и сака да научи нешто ново, пред сè да има желба за интеракција со луѓе и да овозможи професионална услуга на високо ниво.
Одговорности:
- Врши услужување на клиентите како што се помагање и консултација со клиентите при купување книги;
- Врши попис на производите, води евиденција за залихите и книгите што треба да се набават;
- Врши враќање или рефундирање на книгите по потреба;
- Одговорен/на е за спроведувањето на веб-нарачките;
- Решава проблеми, вклучително и набавување и утврдување на достапноста на нарачаните книги;
- Комуницира со клиентите и прима нарачки;
- Редовно комуницира со менаџментот на компанијата и се усогласува со тековните промени и промоции;
- Ја одржува продавницата чиста и се грижи за приказот на книгите во книготеката;
- Врши други поврзани должности кои што му се доделени.
Кандидатот треба:
- Да има завршено високо образование во областа на книжевноста, филологијата или друго релеватно поле;
- Пожелно е претходно работно искуство во продажба (минимум 3 години);
- Да биде подготвен за индивидуална и тимска работа;
- Одлично да го познава англискиот јазик;
- Да има око за детали и аналитика.
Лични карактеристики:
- Организираност и одговорност
- Лојалност, темелност и енергичност
- Трудољубивост, совесност и предаденост во работата
- Амбициозни и динамични со желба за напредок
- Љубов кон пишаниот збор
Што нудиме:
Позицијата овозможува:
- Одлични услови, компетитивна плата и можност за напредок;
- Искусен тим;
- Пријатна работна атмосфера;
- Можност за напредок во кариерата.
