Инженер за калкулации во Оддел за техничка припрема

Фабриката „Карпош” е производител на елементи за урбана опрема почнувајќи од бетонски декоративни плочи со различни димензии за уредување партери, тротоари, паркинзи, па сè до сложени монтажни конструктивни елементи за изведба на различни видови објекти. Освен тоа, фабриката „Карпош” е специјализирана за проектирање и за производство на монтажни конструктивни елементи за изградба на крупнопанелни згради, семејни куќи, индустриски објекти, армиранобетонски мостови, ПТТ-столбови, далноводи и трафостаници, вибропресувани цевки и шахти, центрифугирани шипови, железнички прагови од преднапрегнат бетон, бетонска галантерија, како и изработка на бетонски и армиранобетонски елементи по порачка.

Денес, фабриката „Карпош” е организација која може да им понуди на инвеститорите проекти, монтажни конструктивни елементи, техничка подготовка и изведба која подразбира висока технологија, квалитет и прифатлива цена. Фабриката „Карпош” има добиено сертификат за квалитет ИСО 9001 со кој се потврдува коректноста во водењето на работата. Особено таа е организација каде што се изнаоѓаат одредени решенија за соодветни градежни проблеми за да се реализираат специфичните барања на секој клиент.

​Фабрика КАРПОШ АД Скопје има потреба од вработување на:

Потребни квалификации:

• Завршено високо образование во област од технички науки
• Работно искуство од минимум 5 (пет) години во градежна индустрија
• Познавање на Законот за јавни набавки
• Одлично познавање на англиски јазик
• Напредно познавање на MS Office (word, excel, power point, MS Project)

Одговорности и задачи:

• Познавање на пазарните цени во областа на градежништвото
• Се запознава и ги проучува условите и спецификациите од тендерската документација
• Изработува предлог понуда врз основа на калкулации базирани на просечните норми во градежништвото, добиените понуди од подизведувачите, добиените понуди од добавувачите, каталозите и ценовниците на Компанијата, а во согласност со условите и спецификациите од тендерската документација на Инвеститорот
• Изработува методологија за извршување на работите за предметен тендер
• Изработува динамички план за изведување на работите за предметен тендер
• Следење на системот за јавни набавки домашни и меѓународни
• Изработка и достава на понуди за инвеститори и индивидуални лица
• Изработува предлог понуда, калкулации за готов бетон и сите стандардни и вонстандардни елементи од производна програма на Фабрика Карпош

Потребни способности и вештини:

• Способност за самостојна и тимска работа на повеќе работни задачи и активности истовремено
• Одлични комуникациски и организациски вештини
• Професионален и позитивен однос, дискреција во споделување на информации
• Капацитет за работа под притисок и со кратки рокови, смиреност и позитивен став
• Амбициозност и мотивираност за развој и унапредување