Нема веќе да има печатени дневници во основно и средно

Со новата учебна година, печатените дневници заминуваат во историјата. Имено, според информациите на Бирото за развој на образованието (БРО) печатени дневници повеќе нема да ги има и во основно и во средно образование, туку сите податоци ќе се запишуваат во електронскиот дневник.

Наставниците нема повеќе да имаат двојна работа, односно нема да мора истите податоци и оценки за учениците да ги внесуваат и во печатен дневник и во електронски дневник, информираат од Бирото за развој на образованието.

Имено, тие реагираа и дека многу често се случува да немаат интернет во училиштата, што ги попречува во исполнувањето на обврските со електронската евиденција

Околу 25.000 наставници и професори, колку што има во државава, мораа да ги внесат сите полугодишни оценки и сите изостаноци на секој ученик поединечно во електронскиот дневник.

Освен тоа, требаа редовно да ги внесуваат сите часови, активности, отсуства.

Од учебната 2021/2022 година во училиштата повеќе нема да има печатени дневници. Наставниците ќе ја водат педагошката евиденција во електронскиот дневник. Со ова им се излегува во пресрет на нивните долгогодишни реакции и барања да се растоварат од административна работа, која и онака е обемна.

И во основно и во средно образование повеќе нема да има печатени дневници. Сите податоци ќе се запишуваат во електронскиот дневник. Наставниците веќе знаат да пополнуваат електронски дневник, тој со години е дел од образовниот систем. На овој начин ќе се растоварат од обврската да водат двојна евиденција, појаснуваат во Бирото.

извор: republika.mk

Aktualno

Шведската компанија Коордеа го одбележа својот 15-годишен јубилеј со незаборавна свеченост
Коордеа, водечка шведска аутсорсинг компанија со седиште во Стокхолм и канцеларии во Тетово и Скопје на 1 ноември 2024 година ја прослави својата 15-та годишнина со незаборавен настан, на кој беа одбележани достигнувањата и успехот на компанијата. Основана во 2009 година, Коордеа прерасна од специјализиран снабдувач на сметководствени услуги за Нордискиот пазар во компанија што нуди широк спектар на услуги, вклучувајќи ИТ, маркетинг, дизајн, логистика и продажба.
Неделен лабораториски извештај: Водата во Скопје е безбедна за пиење
ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.
Македонија на листата земји чиј пасош може да се „купи“
Секоја земја има различни прописи за стекнување државјанство, а некои земји ви дозволуваат да „купите“ друго државјанство со инвестирање во недвижен имот или други програми.
Богатите ќе платат рекордни 300 милијарди долари за справување со климатските промени
Побогатите земји ветија дека ќе ги зголемат своите средства за да им помогнат на посиромашните земји во борбата против климатските промени до рекордни 300 милијарди долари годишно, но договорот наиде на критики од светот во развој.
Студено утро со температури и до минус 11 степени
Времето денеска наутро ќе биде ведро и студено, по одделни котлини со услови за појава на магла. Преку ден, времето ќе биде претежно сончево со слаб ветер од променлив правец. Минималната температура ќе биде во интервал од минус 11 до минус 3, а максималната ќе достигне од 7 до 14 степени, информираат од Управата за хидрометеоролошки работи.
Без струја утре делови од Аеродром и Гази Баба
Според известување од „ЕВН Македонија“, поради планирани зафати во електродистрибутивната мрежа, без напојување со електрична енергија од 8:30 до 12:30 часот ќе бидат дел од корисниците од булеварот „Трета македонска бригада“, кај ресторан „Дион“ во општина Аеродром.