Возилата со полициска придружба, видливо означените возила на АРМ, полицијата, итната медицинска помош, возила на лица заболени од мултиплекс склероза и церебрална парализа се само дел од оние што се ослободени од плаќање патарина.
Ова е пропишано со Законот за јавните патишта на Република Македонија, во кој се наведува дека од плаќање патарина за време на служба се ослободуваат возила со полициска придружба, видливо означени возила на Армијата на Република Македонија, полицијата, Царинската управа, Агенцијата, итната медицинска помош, Црвениот крст на Република Македонија, противпожарните служби, Државниот инспекторат за транспорт, Дирекцијата за заштита и спасување, Јавното претпријатие за одржување и заштита на магистралните и регионалните патишта „Македонијапат“ - Скопје и погребалните возила.
Освен нив, со членот 66 од истиот закон е пропишано дека од плаќање патарина се ослободени и возила на лица заболени од дистрофија, мултиплекс склероза, церебрална парализа, параплегија, хемиплегија, квадриплемија, детска парализа (полиомиелитис), слепите лица со оштетување на видот над 90%, лица на дијализа и лица со ампутација на рака или нога со признато телесно оштетување од 80% утврдено со акт на надлежната комисија во Фондот на пензиското и инвалидско осигурување на Македонија
За да го користат ова право, лицата треба да поседуваат членски книшки издадени од здруженијата, односно сојузите во кои членуваат, кои заедно со документацијата за болеста согласно наведеното во законот и копија од сообраќајната дозвола од возилото што се користи преку нивните здруженија, односно сојузи, барањата се доставуваат до Јавното претпријатие за државни патишта. Потоа документацијата се проверува и доколку сѐ е во ред, Јавното претпријатие за државни патишта ја потпишува и заверува книшката, со што се потврдува правото на ослободување од плаќање на патарина и писмено се известуваат здруженијата, односно сојузите за тоа.
Кога некое лице ослободено од плаќање патарина минува низ наплатна станица, треба да ја даде на увид и членската книшка во која е запишана регистарската табличка од возилото што се ослободува.
извор: fakulteti.mk
Кои лица се ослободени од плаќање патарина?
News
-
Да не се закачате со Жените од Карпош - Се нуди бесплатна обука за самоодбрана
Општина Карпош во соработка со полицискиот боречки клуб „Безбедност“ ќе продолжат со бесплатната обука за самоодбрана и фитнес, наменета за жени и девојки кои живеат на територијата на Карпош.
-
Агенцијата за обезбедување Октопус Секјурити Груп вработува на повеќе позиции
5 слободни позиции
-
Се бара решение за камерите во сообраќајот – што ако снимат премногу прекршоци?
Министерот за внатрешни работи, информираше дека се работи на техничко решение, но е потребно и законско уредување за функционален систем за следење на сообраќајот преку камери, пренесуваат од Слободен Печат.
-
Објавена есенската кошница – ориз, брашно, тестенини, масло и млечните производи ќе бидат со ограничена маржа
Ориз, брашно, тестенини, масло, млеко, јогурт, млечни производи, зеленчук, овошје, се на листата со 73 три производи во таканаречената есенска потрошувачка кошница. За нив бруто профитната маржа ќе биде ограничена на 10 проценти во трговијата на големо и мало, а во маркетите ќе бидат обележани со натписот „помалку трошоци, повеќе за тебе“, одлучи денеска Владата, на предлог на Министерството за економија и труд.
-
Цената на биткоинот надмина 63.500 долари – што е следно?
Намалување на главната каматна стапка од 50 базични поени од страна на Федералните резерви на САД, како и првото купување на биткоин од претседателски кандидат во крипто бар (Доналд Трамп направи трансакција со биткоин во тематската лента „PubKey“ во Њујорк,) одржувајте го доброто расположение на пазарот на крипто. Сепак, некои набљудувачи остануваат скептични за долговечноста на релито, напиша „CoinDesk“ во материјал.
-
Масовно се краде грозје, садници, системи за наводнување, земјоделски машини, алати
Се крадат грозје, садници, делови од системи за наводнување и од земјоделски машини, алати и други предмети од ниви и земјоделски имоти на територијата што ја покрива Секторот за внатрешни работи - Велес. Оваа информација ја потврди за МИА, Биљана Ѓаковска, портпарол во СВР - Велес.