Vrabotuvanje.com - Јануарските пензии повисоки за 2,9 %

Јануарските пензии повисоки за 2,9 % – исплатата започнува утре

Министерството за труд и социјална политика известува дека од утре започнува етапната исплата на јануарски пензии. Пензиите ќе бидат исплатени предвреме и етапно, со цел да се овозможи поголема заштита на пензионерите во услови на опасност од коронавирусот КОВИД-19.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

За пензии со висина до 11.000 денари, исплатата да се изврши на 26.01.2022 година (среда);
За пензии со висина 11.001-14.000 денари, исплатата да се изврши на 27.01.2022 година (четврток);
За пензии со висина 14.001-18.000 денари, исплатата да се изврши на 28.01.2022 година (петок) и
За пензии со висина над 18.001 денари, исплата да се изврши на 31.01.2022 година (понеделник).

Пензионерите кои користат платежна картичка, поврзана со сметката на која се префрлува пензијата, со парите можат да располагаат од 26 јануари (среда). Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања. Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.

Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.

Истовремено, МТСП ги информира пензионерите дека јануарските пензии ќе бидат зголемени за 2.9% согласно законското усогласување кое се врши два пати годишно во јануари и јули. Усогласувањето се врши според процентот на порастот на индексот на трошоците на живот во претходното полугодие во однос на полугодието кое му претходи објавени од Државниот завод за статистика.

извор: info.mk/makedonija

News

Просечната нето плата во Хрватска е 1.340 евра
Просечната нето плата во Хрватска во октомври изнесува 1.340 евра, што е номинално за 1,4% повеќе, а реално за 0,3% повеќе од еден месец претходно, додека на годишно ниво е забележан номинален раст од 13,8%, а реален од 11,4%. соопшти Државниот завод за статистика.
Ќе се отвори најголемиот „Џамбо“ во Македонија - Еве во кој град!
Во рамките на „Гевгелија мол“ е најавено отворање на најголемото „Џамбо“ во Македонија.
УЈП ги повикува угостителите да ги почитуваат законските обврски при организирање новогодишни прослави
Управата за јавни приходи (УЈП) ги информира сите угостители кои организираат предновогодишни и новогодишни прослави, како и останати активности поврзани со претстојните празници, имаат обврска да ги исполнат законските барања за регистрирање на готовински плаќања.
ChatGPT ќе биде достапен и на вашиот фиксен телефон
ChatGPT" доаѓа на телефоните. Не, не паметните телефони – на фиксните телефони. Јавете се на 1-800-242-8478 (1-800-CHATGPT) и помошникот на "OpenAI" со вештачка интелигенција ќе одговора од среда попладне
За „Генерацијата З“ празничното украсување е помалку традиција, а повеќе самоизразување
Новогодишните елки во некои домови во САД оваа година покажуваат повеќе „неконвенционалност“ во изборот на украси за елки, посочуваат испитувањата. Тие, велат познавачите, денес во поголема мера ја изразуваат личноста на домаќините и не се општ безличен симбол на божиќното расположение.
Драстичен пад на бројот на земјоделци во Македонија - потребни се години за поврат на производството
Бројот на регистрирани земјоделци во земјава денес е околу 65.000, значително помал од пред десет години кога изнесувал 90.000. Лозарството е во опаѓање, а сточарството сега брои 140.000 грла крупен добиток, наспроти 260.000 од пред една деценија.