Полека наближувајќи се кон јубилејната 20ка, најголемата тркачка манифестација во Македонија, Виз Ер Скопски маратон, за своето 18то издание, кое ќе се оддржи на 02.10.2022 (недела), веќе ги отвора вратите за пријавување на сите љубители на трчањето
Пријавувањето оди преку официјалната страна на „Виз Ер Скопски маратон“: http://skopskimaraton.com.mk/prijavuvanje/.
„Новитетот за оваа година е покрај стандардниот стартен пакет, тркачите да можат да одберат и стартен пакет со можност за рефундација. Овој пакет го воведовме најмногу поради ситуацијата со пандемијата и честите непредвидени околности, со цел сите натпреварувачи доколку го одберат тој пакет да имаат можност да им се рефундира 100% од уплатената цена. Оваа можност ќе важи само доколку до 10.09.2022 година се побара враќање на уплатените средства. Исто така до 30.08.2022 година тркачите ќе можат да ги променат своите пријави од најразлични причини, а секоја промена на пријавата по овој датум ќе се наплаќа,“- изјави директорот на Виз Ер Скопски Маратон.
„Со сменетиот датум што веќе неколку години се оддржува во месец октомври, Виз Ер Скопски маратон е претпознатлив не само за тркачите од земјата, регионот и од целиот свет, туку и за сите Скопјани, кои уживаат да ја негуваат маратонски долгата традиција на секое издание на маратонот со споделување на прекрасна енергија низ улиците на Скопје, и со дружба од рано наутро па сѐ до завршување на манифестацијата“, велат организаторите на манифестацијата.
Секој учесник на Виз Ер Скопски маратон по завршување на настанот на својата емаил адреса ќе добие вредносен ваучер од 20 ЕУР од насловниот спонзор на трката, Виз Ер.
Маратонот, полумаратонот, штафетната маратон трка – ЕУ со тебе и 5км трка, кои веќе со години се дел од самата манифестација и оваа година ќе го заземат своето место во склоп на спортскиот настан.
извор: sportski.mk
.jpg)
