Комерцијална банка ќе започне со исплата на дивиденда на 27 април

Комерцијална банка АД Скопје ги известува своите акционери дека почнувајќи од 27.04.2022 година ќе врши исплата на дивиденда за 2021 година. Право на исплата на дивиденда за 2021 година имаат сите акционери на Комерцијална банка кои се евидентирани во книгата на акции на 14.04.2022 година.

Исплатата на дивиденда на правните лица ќе се врши со пренос на средствата на нивните сметки во Комерцијална или во друга банка.

Согласно Законот за данокот на личен доход, Комерцијална банка, како исплатувач на доход по основ на дивиденда, пресметката и плаќањето на данокот на доход и исплатата на дивидендата на физички лица ќе ги врши со поднесување електронска пресметка за бруто - доходот и за данокот по одбивка (е-ППД) до Управата за јавни приходи преку системот е - Персонален данок.

Е-ППД системот не прифаќа неточни и непотполни податоци. Затоа се повикуваат сите акционери-физички лица кои не се запишани во евиденцијата на УЈП како даночни обврзници да превземат соодветни мерки за нивно запишување согласно процедурите на УЈП. Ова особено се однесува на малолетните лица и/или други лица кои досега не биле приматели на оданочив доход од кој било вид во Република Северна Македонија.

Средствата од дивидендата за 2021 година преку е-ППД системот ќе бидат уплатени на сметките на физичките лица во Комерцијална банка АД Скопје. Исклучок ќе бидат лицата кои имаат дадено овластување/инструкција за пренос на дивидендата на сметка во друга банка. Комерцијална банка во таков случај средствата од дивидендата преку е-ППД системот ќе ги уплати на назначената сметка. Доколку некој акционер, резидент физичко лице , нема дадено такво овластување, а сака дивидендата да му биде исплатена на сметка во друга банка, да го стори тоа преку доставување инструкции во електронска форма, кои може да се најдат на веб-страната на банката www.kb.mk во делот „ЗА НАС \ Односи со инвеститори“

Согласно член 85, став 11, од Законот за данокот на личен доход, пресметката на данокот на доход од дивиденда остваренa со учество во добивката во 2021 година, a исплатена во 2022 година, ќе биде доставена до секој акционер евидентиран во книгата на акции по извршената исплата на дивидендата, стои во известувањето на Комерцијална банка објавено на Македонската берза.

извор: biznisinfo.mk

Aktualno

Времето денеска: Претпладне променливо облачно, попладне поведро
Во сабота во претпладневните часови времето ќе биде променливо облачно со повремен снег, претежно во западните делови.
OpenAI почнува бесплатен курс за вештачка интелигенција за наставници
„Опен АИ“ вложува повеќе напори да ја истакне позитивната улога на „Чет-ГПТ“ во образованието, чие лансирање во ноември 2022 година го започна „лудилото“ на вештачката интелигенција и ја направи една од најбрзорастечките апликации во светот.
Шведската компанија Коордеа го одбележа својот 15-годишен јубилеј со незаборавна прослава
Коордеа, водечка шведска аутсорсинг компанија со седиште во Стокхолм и канцеларии во Тетово и Скопје на 1 ноември 2024 година ја прослави својата 15-та годишнина со незаборавен настан, на кој беа одбележани достигнувањата и успехот на компанијата. Основана во 2009 година, Коордеа прерасна од специјализиран снабдувач на сметководствени услуги за Нордискиот пазар во компанија што нуди широк спектар на услуги, вклучувајќи ИТ, маркетинг, дизајн, логистика и продажба.
Почна сезоната на чварките – еден грам чини еден денар
Во скопските месарници почнаа да се продаваат свежо подготвени домашни чварки, направени од чисто свинско месо и по традиционален рецепт.
Вештачка интелигенција на работното место: Дали „Microsoft Copilot“ полека ги заменува вашите колеги?
Неколку недели откако ги направи „Copilot AI“ функциите бесплатни за „Microsoft 365“ (наследникот на „Office“) за корисниците во одредени делови од Азија и Океанија, „Microsoft“ на конференцијата „Ignite“ објави дека значително ги проширува можностите на „Copilot„ и „AI“ во своите апликации.
Еврото падна на најниско ниво во последните две години во однос на доларот
Еврото денеска падна на најниско ниво во последните две години во однос на доларот, откако најновите податоци покажаа дека деловната активност во еврозоната нагло паднала во ноември.