ССМ: Вработените во јавниот сектор ќе добијат повисоки плати

Преговорите за усогласување на платите во јавниот сектор значат системско и солидарно зголемување на платите за 2.806 денари за сите вработени во јавниот сектор, соопшти Сојузот на синдикати на Македонија (ССМ) откако денеска започнаа преговорите со Владата за изготвување нов општ колективен договор за сите вработени во јавниот сектор.

„ССМ како најголем и во моментов единствен репрезентативен синдикат во јавниот сектор на национално ниво заедно со Владата како социјален партнер ги започна преговорите кои се очекува да завршат набрзо. ССМ има предлог на линеарно покачување од 2.806 денари за сите вработени во јавниот сектор и предлог да го вратиме правото кое е изгубено со потпишување на ОКД за јавниот сектор во 2008 година, а тоа е правото на исплата на регрес за годишен одмор за сите вработени во јавниот сектор. Стариот ОКД за јавниот сектор е потпишан во 2008 година, но време е да се подготви нов поради неколку причини: Усогласување на платите во јавниот сектор, со минималната плата, што ќе биде солидарен пристап за сите вработени. Конечно враќање на исплатата на К-15 во јавниот сектор во износ од најмалку 30% до 100%. Утврдување на методологија за пресметка на плати. Договорено е новиот ОКД да биде целосно усогласен со новиот ЗРО кој е во подготовка. Предложеното од ССМ линиеарно покачување во износ од 2.806 денари, за сите вработени во јавниот сектор е покачување кое државата и економија можат во моментов да го издржат, секако имајќи ја предвид целокупната ситуација, а без притоа да се предизвика допонителна инфлација. Охрабрува тоа што Владата има слух за сите барања, а се разгледуваат сите форми кои ќе бидат разумни за сите и нема да одат на штета на никого“, се вели во соопштението.

Таму е наведено и дека ССМ нема да дозволи политичка манипулација на грбот на работниците, пред сѐ во образованието и укажува дека новиот ОКД за јавен сектор ќе овозможи сите страни и да се вратат назад во регуларно работење, да ги добијат заслужените плати како и сите вработени во јавниот сектор да ја добијат потребната сигурност и заштита.

Извор: kurir.mk

Aktualno

OpenAI почнува бесплатен курс за вештачка интелигенција за наставници
„Опен АИ“ вложува повеќе напори да ја истакне позитивната улога на „Чет-ГПТ“ во образованието, чие лансирање во ноември 2022 година го започна „лудилото“ на вештачката интелигенција и ја направи една од најбрзорастечките апликации во светот.
Шведската компанија Коордеа го одбележа својот 15-годишен јубилеј со незаборавна прослава
Коордеа, водечка шведска аутсорсинг компанија со седиште во Стокхолм и канцеларии во Тетово и Скопје на 1 ноември 2024 година ја прослави својата 15-та годишнина со незаборавен настан, на кој беа одбележани достигнувањата и успехот на компанијата. Основана во 2009 година, Коордеа прерасна од специјализиран снабдувач на сметководствени услуги за Нордискиот пазар во компанија што нуди широк спектар на услуги, вклучувајќи ИТ, маркетинг, дизајн, логистика и продажба.
Почна сезоната на чварките – еден грам чини еден денар
Во скопските месарници почнаа да се продаваат свежо подготвени домашни чварки, направени од чисто свинско месо и по традиционален рецепт.
Вештачка интелигенција на работното место: Дали „Microsoft Copilot“ полека ги заменува вашите колеги?
Неколку недели откако ги направи „Copilot AI“ функциите бесплатни за „Microsoft 365“ (наследникот на „Office“) за корисниците во одредени делови од Азија и Океанија, „Microsoft“ на конференцијата „Ignite“ објави дека значително ги проширува можностите на „Copilot„ и „AI“ во своите апликации.
Еврото падна на најниско ниво во последните две години во однос на доларот
Еврото денеска падна на најниско ниво во последните две години во однос на доларот, откако најновите податоци покажаа дека деловната активност во еврозоната нагло паднала во ноември.
Кажете го вашето мислење и освојте награда!
Добиј гратис викенд со одговор на едно прашање!