Од 1 јануари 2023 година граѓаните во Хрватска ќе можат да ги подигнат првите евра на нешто повеќе од 3.000 банкомати или 60 отсто од моментално активната мрежа на банкомати во земјата, во апоени од 10 и 20 евра, а во некои апоени од 50 евра. Еврото до 15 јануари граѓаните ќе можат да го добијат на сите банкомати во земјата.
Според податоците на Хрватската народна банка (ЦНБ), на 31 март имало 5.049 активни банкомати, а тој број надминува 6.500 секоја година за време на туристичката сезона. И гувернерот на ЦНБ, Борис Вујчиќ, потврди дека на првиот ден од 2023 година повеќето банкомати ќе се полнат со евра, а до 15 јануари сите, пренесува Јутарњи лист.
Во договор со банките од 5 декември годинава, Payten, компанија која одржува 50 отсто од вкупниот пазар на банкомати, започнува процес на нивно прилагодување кон воведувањето на еврото. Како што објаснуваат во таа компанија, според досегашниот договор со банките, во првата фаза на усогласување ќе се конфигурираат 60 отсто од банкоматите.
Според нив, тоа значи дека на почетокот на декември нивните техничари на терен ќе почнат да ги посетуваат и прилагодуваат банкоматите за плаќање во евра.
