Цените на железото и челикот се лизгаат надолу на светските берзи повеќе од две недели, а на истиот тренд неодамна се приклучија и бакарот и дрвото. Падот на нивните цени се заканува дека по две години континуиран раст на цените на пазарот на недвижности, овој тренд ќе биде целосно обратен.
Според веб-страницата Tradingeconomics, која го следи движењето на стоките, валутите и акциите на големите светски берзи, во последниот месец железото поевтинило за околу 10,38 отсто на околу 116 долари за тон, а истото се случува и со цената челикот паѓа од околу 7,92 отсто на месечно ниво и во моментов на берзите се исплаќаат 4.395 долари за тон, пишува Блиц.рс.
Бакарот моментално е на најниско ниво во последните 16 месеци и неговата цена продолжува да паѓа, а за еден месец загуби 13,16 отсто од вредноста и сега на берзите се тргува по цена од 8.309 долари. Дури и дрвната граѓа губи по цена, околу 6,28 отсто за еден месец.
Сепак, прелевањето на овој тренд во секторот на недвижности во светот, па и кај нас, а последователно и падот на цената на метар квадратен не може да биде веднаш. Инвестицискиот циклус за изградба на станбена зграда трае од 2 до 3 години. Затоа, на пазарот допрва треба да се појават поевтини квадрати кои ќе се градат со материјал по овие пониски цени.
