На Табановце за влез во земјава се чека 30 – 40 минути, а на Богородица за излез половина час

На граничниот премин Табановце за влез во земјава се чека околу 40 минути, а на Богородица за излез од државата половина час, соопшти утрово АМСМ.

На останатите премини од македонска страна нема подолги задржувања за влез и излез од државата.

Сообраќајот на државните патишта се одвива непречено, по влажни коловози. Интензитетот на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.