Споделувањето лозинки за услугите за онлајн стриминг како што е Нетфликс е нелегално, одлучи британската владина агенција. Канцеларијата за интелектуална сопственост на Обединетото Кралство (IPO) објави дека таквата практика ги прекршува законите за авторски права.
Прочитајте што е потребно за да се вработите во Нетфликс!
Во Обединетото Кралство, вообичаено е да се споделуваат лозинки за стриминг услуги, и покрај тоа што е спротивно на условите на договорот за услуги, објави Би-Би-Си. Нетфликс не посочи дека ќе преземе правни мерки во такви случаи.
IPO наведува дека споделувањето лозинка е прашање на кривично и граѓанско право.
„Постојат голем број одредби во кривичното и граѓанското право што може да се применат во случај на споделување лозинка со намера да се обезбеди пристап до дела заштитени со авторски права без плаќање“, се вели во извештајот.
„Овие одредби може да вклучуваат прекршување на договорот, измама или секундарно прекршување на авторските права, во зависност од околностите. Кога овие одредби се предвидени со граѓанско право, на давателот на услугата зависи да покрене судска постапка доколку е потребно“, се наведува.
Нема докази што сугерираат дека некој од главните оператори за видео стриминг во Обединетото Кралство би го сторил тоа.
Нетфликс објави дека сака да им олесни на оние кои користат туѓи сметки да поставуваат свои, да го префрлат својот профил на нова сметка или да креираат „под-сметки“ и дополнително да плаќаат за семејството или пријателите. Се вели дека воведувањето на овие карактеристики на „поширок“ размер ќе започне на почетокот на 2023 година. Истражувачката компанија Digital проценува дека околу четвртина од претплатниците на Нетфликс во Велика Британија – околу четири милиони од нив – ги споделуваат своите лозинки.
