Дивчибар, водечката туристичка дестинација во регионот на Ваљево станува сé попопуларен зимски центар во Србија па и пошироко, а се очекува да биде преполна за новогодишните празници.
Дури 95 отсто од сместувачките капацитети во ова туристичко место кои беа планирани да се издаваат за новогодишните празници, веќе беа резервирани на крајот на ноември, останатите ги обезбедија своите гости овој месец, па се очекува дека гужвите во Дивчибари ќе почнат веќе во четврток и петок.
Во исто време, ретко кој од сопствениците на станови и викендички ги издавал своите објекти за аранжман пократок од три ноќевања. Може да се каже дека тоа беше и услов за многумина. Становите се издаваат по цена од 80 до 150 евра дневно, додека престојот во викендички чини 250 евра за 24 часа престој. Колку сместувачките капацитети во Дивчибар се веќе распродадени за новогодишните празници покажува и анкета од Букинг каде за периодот од 30 декември до 2 јануари се нудат само околу 15 објекти, моментално слободни станови и викендички.
Најниска цена е за стан со повеќе нивоа и пет кревети, за две лица и три ноќевања за време на новогодишните празници - 23.438 динари. Сите останати станови и вили за периодот од 30 декември до 2 јануари се со цени од над 30.000 динари, до рекордни 117.306 динари за целата куќа од 150 квадратни метри простор и седум кревети.
Можеби ќе ве инересира: Скијањето стана луксуз: Србија и Бугарија за 20 до 30 отсто поскапи од лани
Хотелите во Дивчибар, пак, во тој временски период веќе го исполнија својот капацитет до 100%. Овој аранжман, кој вклучува свечена новогодишна вечера со музичка програма, во хотелите во Дивчибар се движи од 42.000 до дури 147.000 динари за две лица, во зависност од видот на изнајмената соба и другите хотелски услуги.
Новогодишната ноќ ја организираат и голем број ресторани и други угостителски објекти, а на менито, најчесто со вечера и еден бесплатен пијалок, не може да се резервира за цена пониска од 30 евра.
.jpg)
