Пријави се сега за учество во обука за волонтери којa ќе се одржи од 8 до 14 мај во Талин, Естонија.
Тренингот на SMA! таргетира фестивалски волонтери и личности со искуство во полето за музика и настани, кои сакаат да стекнат вештини околу менаџирање на мали „бутик“ фестивали со високо-вредносна основа.
Повикот завршува на 26 март 2023 во 23:59 часот, а изборот на учесници ќе биде најавен до крај на март.
Пријави се ТУКА
КРИТЕРИУМИ:
Апликантите мора да бидат на возраст помеѓу 18 и 30 години до датумот на почнување на тренингот кој ќе се одржи во Талин, Естонија.
Апликантите мора да бидат од земја членка на ЕУ или земја кандидат на ЕУ.
Проектот и партнеритe не го покриваат здравственото и социјалното осигурувањe на учесниците или партнерите.
АПЛИЦИРАЊЕ:
Апликациите мора да бидат поднесени со пополнување на формата на англиски јазик за време на пријавниот рок.
Сите задолжителни полиња во формата мора да бидат пополнети, во спротивно апликацијата нема да биде прифатена.
Сите податоци на апликантот се класифицирани и ќе бидат употребени само за целта на евалуација.
ЕВАЛУАЦИЈА НА АПЛИКАНТИ:
Секој партнер на проектот ги евалуира апликациите одделно и ги избира успешните апликанти според критериумите.
Максимум 5 апликанти од партнерите Glenn Gould, Raum 3, Пасворд Продукција, Music Estonia (20 вкупно) ќе бидат селектирани да учествуваат на обуката во Талин, Естонија. Одлуката на партнерите е правно обврзувачка и неспорна.
Конечната одлука за успешни апликанти ќе биде донесена најкасно до крај на март 2023 и ќе биде соопштена во рок од 5 работни дена.
ТРОШОЦИ ПОКРИЕНИ ОД СТРАНА НА ПРОЕКТОТ ЗА УСПЕШНИ АПЛИКАНТИ:
Курсот е сосема бесплатен, дополнително селектираните учесници ќе имаат загарантирано:
-Повратен авионски билет со рачен багаж на 8 и 14 мај 2023
-Сместување во Талин во двокреветна соба со вклучен појадок
-Ручек и вечера од 9 до 13 мај
-Конференција за делегати и фестивалска влезница за Tallinn Music Week
Сите останати трошоци ги покрива учесникот/учесничката.
ОБВРСКИ:
Успешниот апликант има за обврска да учествува во сите активности на проектот:
-онлајн обуките ќе се одвиваат попладне во април (распоредот ќе биде објавен)
-обука во Талин од 9 до 13 мај 2023
Успешниот апликант има за обврска да ги даде сите важни информации за да учествува во проектот.
ДОДАТНИ ОБВРСКИ ЗА ВОЛОНТИРАЊЕ:
Дополнително, успешниот апликант потврдува дека е достапен за волонтирање на настан огранизиран од страна на партнерите на проектот или нивните филијали во 2023, се сложуваат со правилата и условите кои не се наведени во овој повик. За повеќе прашања, апликантот мора да контактира некој од партнерите по избор и да се разјасни поединечно, поради големиот број и разновидност на настани во кои се вклучени партнерите.
SMA! е финансиран од страна на програмата Креативна Европа проект на ЕУ.
За повеќе информации, посетете ја: www.smaproject.eu
