Премиерот на Македонија Димитар Ковачевски има плата до сега од 88.260 денари или безмалку 1.500 евра, додека платите на вицепремиерите и министрите се околу 70 ина илјади денари или речиси 1.200 евра.
Тоа е речиси двојно помалку од она што као плата го добиваат нивните косовски колеги. Во Косово, платата на премиерот изнесува 2.950 евра, на вицепремиерите е околу 2.500 евра, додека министрите имаат плати од по 2.000 евра.
Ако овие плати на македонските министри се споредат со владите од земјите во ЕУ, разликата е уште подрастична.
Можеби ќе ве интересира: Најбарани професии во Европа со високи плати за кои НЕ ТРЕБА ДИПЛОМА!
Така на пример, платата на канцеларот во Автрија изнесува 22.640 евра, додека на министрите таа е нешто над 18.000 евра, односно дури над десет пати поголеми од примањата на македонските министри.
Во соседството повисоки плати имаат и премиерите и министрите на Грција, Албанија и Бугарија, додека платите во Владата на Србија се приближно колку и македонските.
Извор: brif.mk
