Европа изминатиов период ја потресе темата за старосната граница за пензионирање која ја иницираше Франција. Емануел Макрон, претседателот на Франција сака да спроведе реформа со која ќе се пензионира на 64 наместо на 62, како што беше случајот досега.
Имено, проблемот во Франција со пензиската реформа е што повеќето луѓе мислат дека иако реформите се неопходни, сега не е вистинското време за тоа, оти животниот стандард е веќе загрозен од светската криза и пандемијата. Французите генерално имаат подолг животен век, па просечниот француски пензионер во пензија поминува 21,5 години, додека жените околу 25,4 години, пренесува Блиц.
Еве како е во другите европски земји.
Број на години за пензионирање во Европа:
Германија – 65 години и 10 месеци, од 2031 година границата се поместува на 67,
Австрија – мажи 65, жени 60, до 2033 година оваа разлика се израмнува,
Белгија – сите на 65 години, од 2025 година ќе се зголеми на 66, а од 2030 година дури на 67.
Бугарија – мажи 64 и 5 месеци, а жени 61 и 10 месеци, до 2030 година разликата ќе се намали до 65,
Летонија – најмладите пензионери имаат 64 и 3 месеци, од 2025 година сите ќе одат на 65 години,
Кипар, Унгарија, Словенија, Лихтенштајн, Луксембург, Шпанија – 65,
Естонија – 64 години и 3 месеци, од 2026 година до 65 години,
Финска – денес со 64, од 2027 година со 65,
Литванија – мажи на 64 години и 4 месеци, а жени на 63 и 8 месеци, од 2026 година сите на 65 години,
Малта – оние родени пред 1962 година се пензионираат на 64 години, а помладите на 65 години,
Хрватска – мажи на 65 години и жени на 63 години, достигнувајќи го до 2030 година,
Данска – 67, со дури 69 до 2035 година,
Грција – од 62 до 67 години,
Романија – мажи на 65 години и жени на 61 година и 9 месеци, кои постепено ќе се зголемуваат на 63 години до 2030 година,
Ирска и Велика Британија – сите со 66,
Исланд и Италија – сите со 67,
Португалија – целосна пензија се стекнува на 66 години и 7 месеци возраст,
Холандија – сите на 67 од јануари следната година,
Полска – жените се пензионираат на 60, а мажите на 65 години,
Словачка – од 62 години и 10 месеци до 64,
Швајцарија – 65 за мажи и 64 за жени.
Извор: vecer.press
