НАСА пред неколку дена објави спектакуларни слики од Земјата од вселената во висока резолуција.
„Луѓето кои беа во орбитата на Земјата имаат можност да ја видат нашата планета од сосема поинаков агол. Тие рекоа дека оваа сина вселенска топка е прилично убава и влева стравопочит кога се гледа од далечина од 400 километри“, напиша вселенската агенција.
Овие фотографии направени помеѓу март 2022 и март 2023 година за време на експедициите 67 и 68 на Меѓународната вселенска станица (ISS) ни овозможуваат да замислиме дека сме член на екипажот кој искористил момент од слободното време и од вселената го набљудувал нашиот свет.
