Цените на автомобилите ќе продолжат да растат и во 2023 година
Намалениот животен стандард, малите плати и опаднатата куповна моќ си го направија своето. Од автосалоните и од автоплацовите за половни автомобили велат дека до нов автомобил граѓаните можат да дојдат само преку лизинг, а за половен ќе им треба неколку илјади евра повеќе. Велат дека пазарот на автомобили, кој имаше сериозни проблеми поради короната се стабилизираше и се зголеми интересот за купување на автомобили, но сега проблем е инфлацијата и постојаниот раст на цените на автомобилите, кои според најавите ќе продолжат да растат и во 2023 година.
Продажбата на автомобили се мрдна од мртва точка. И покрај зголемените цени и на половните и на новите автомобилите, во просек за 20 отсто, граѓаните не ја испуштаат можноста да дојдат до нов автомобил или да го заменат стариот за понов. Од автосалоните и од автоплацевите за половни автомобили велат дека пазарот на автомобили, кој имаше сериозни проблеми поради короната, се стабилизираше и се зголеми интересот за купување на автомобили, но сега проблем е инфлацијата и опаднатата куповна моќ на граѓаните. Велат дека до нов автомобил граѓаните можат да дојдат само преку лизинг, а за половен ќе им треба неколку илјади евра повеќе.
