Коли, комбиња, автобуси, нервозни патници, голема жештина. Вака беше атмосферата на граничниот премин Табановце. Се чини дека овој викенд е пикот на враќање иселениците во нивните родни места. Доминираа возилата со германски, швајцарски и други западни регистерски таблички.
Иселениците и годинава не ги избегнаа долгите чекања на граничниот премин Табановце, велат дека чекаат од 1 до 2 часа за да ја поминат границата.
Дури и српските власти, најавија зголемување на интензитетот на сообраќајот на автопатите. Српските медиуми најавуваат дека во текот на ноќта преку граничниот премин од кај Прешево поминале 24.000 патници, а влез-излезот од Србија се очекува да трае околу 40 минути. Српските власти препорачуваат користење на алтернативниот премин Прохор Пчињски.
Извор: faktor.mk
