Според психологот Шелби Харис, подобро е да спиете во темна соба бидејќи тоа е подобра опција за здравје и сон. Таа истакнува дека изложувањето на светлина, особено ноќе, може да го наруши вашиот циклус на спиење.
Го нарушува циклусот на спиење
Светлината во собата може да попречува различни фази од сонот, а сите тие се важни за полесно да се одморите и да се разбудите. Претходното истражување во „Sleep Medicine“ покажа дека спиењето со ноќна светлина влијае на циклусите на спиење, зголемувајќи ја првата фаза од спиењето и намалувајќи ја фазата на длабок сон.
Го намалува квалитетот и должината на спиењето
Светлината делува на телото додека спиете. Интересно, спиењето со поголема изложеност на светлина е поврзано и со намалување на времето на спиење, бидејќи дополнително го намалува таканареченото производство на мелатонин.
Следниот ден се чувствувате лошо
Психологот посочува дека спиењето со вклучено светло може да предизвика да се чувствувате лошо следниот ден, и да имате слаба концентрација и расположение, што со текот на времето влијае на целокупното здравје.
Го зголемува ризикот од хронични заболувања
Според американскиот Центар за контрола и превенција на болести (ЦДЦ), недостатокот на сон е поврзан со развој на дијабетес, кардиоваскуларни болести и депресија. Во една студија од 2022 година, здрави возрасни лица кои спиеле со умерена изложеност на светлина една ноќ имале зголемени отчукувања на срцето и поголема отпорност на инсулин.
