Светските медиуми го претставуваат градот Хјустон во американската држава Тексас како вистински рај за љубителите на кучиња. Студијата спроведена од компанијата „Protect My Paws“ откри дека Хјустон има најголем број кучиња и луѓе во светот, дури 52,1 куче на 100 луѓе, што значи дека е речиси невозможно да се прошета низ овој град без да се види „најдобриот пријател на човекот“.
Истражувачите спроведоа општа анкета заснована на академски записи и официјална владина статистика за бројот на кучиња во 54 светски градови. За креирање на конечниот извештај беа искористени две мерни единици: најмногу кучиња на километар квадратен и најмногу кучиња на 100 луѓе. Врз основа на резултатите, Америка беше претставена како рај за четириножните пријатели, бидејќи бројни градови од овој дел на светот се најдоа на врвот на листата.
Со околу 1,2 милиони кучиња, во просек 52,1 кучиња на секои 100 луѓе, Хјустон е на врвот на листата. На второ место е Берн во Швајцарија со 47,7 кучиња на 100 луѓе, а по него е Хавана на Куба со 40,6 кучиња на 100 луѓе. Американските градови ја пополнија листата на топ 10 места, со Сан Диего и Сан Франциско на 4-то и 5-то место, а потоа следат Чикаго, Денвер и Филаделфија.
Кога станува збор за градовите со најголема густина на кучиња на квадратен километар, Хјустон се најде на 9-то место со 773 кучиња на квадратен километар. Парис блесна на врвот на ова рангирање, а во однос на последното истражување тројно го зголеми бројот на кучиња, а сега ги има 2.857 на квадратен километар. Буенос Аирес и Берн ги зазедоа второто и третото место, додека останатите американски градови Чикаго, Филаделфија и Њујорк се на 5, 7 и 10 место.
По што друго е познат градот Хјустон?
Хјустон, четвртиот по големина град во Соединетите Американски Држави, покрај своите сакани миленици, е познат и по својата богата културна сцена, истражување на вселената и, се разбира, незаборавната изрека која стана синоним за несреќа и предизвик - „Хјустон, имаме проблем!“ Оваа изјава, првпат изговорена за време на мисијата Аполо 13 во 1970 година, остана длабоко врежана во колективната свест и стана симбол на проблем кој бара брза, мирна и ефикасна реакција.
Проблемот за кој зборуваа астронаутите се случи кога леталото беше на пат кон Месечината, на 321.860 километри од Земјата. Имаше експлозија која астронаутите на почетокот не знаеја од каде доаѓа. Мислеле дека ги погодил метеорит. Не, реално една од двете цистерни со течен кислород експлодирала, поради оштетена тефлонска изолација на електричните жици, пишува povijest.hr. Интересно е што несреќата на Аполо 13 се случила на 13 април. Дополнително, Аполо 13 лансираше во 13:13 часот по Хјустон, два дена порано.
