Зголемениот холестерол го зголемува ризикот од кардиоваскуларни болести, срцев и мозочен удар и периферни артериски заболувања. Затоа е важно холестеролот да се одржува во нормални граници преку правилна исхрана и редовна физичка активност.
Кога станува збор за правилната исхрана, кардиолозите тврдат дека постојат седум намирници кои треба почесто да ги консумираме доколку се стремиме да го намалиме покачениот холестерол. Овие намирници го намалуваат ЛДЛ или „лошиот“ холестерол и го зголемуваат ХДЛ или „добриот“ холестерол.
Овес и јачмен
Овесот и јачменот често се јадат за појадок и содржат посебен вид влакна, бета-глукани, кои се врзуваат за лошиот холестерол и го олеснуваат системот да го исфрли од телото. За здрава количина на бета-глукан, важно е да се стремите кон 120 до 200 грама овес или јачмен дневно.
Мрсна риба
Лососот, скушата и пастрмката се полни со омега-3 масни киселини кои го намалуваат нивото на лошиот холестерол и го зголемуваат нивото на добриот холестерол. Вклучете мрсна риба во вашата исхрана најмалку два пати неделно. Здрава порција е околу 100 грама мрсна риба.
Јаткасти плодови
Богати со мононезаситени и полинезаситени масти, јаткастите плодови активно го намалуваат лошиот холестерол. Бадемите, оревите и ф’стаците се особено добри бидејќи содржат антиоксиданси кои имаат дополнителни кардиоваскуларни придобивки.
Дневниот дел од јаткастите плодови не треба да надминува 40 до 50 грама.
Маслиново масло
Основата на медитеранската исхрана содржи мононезаситени масти кои можат да го намалат лошиот холестерол. Целта е две до три лажички маслиново масло на ден.
Овошје и зеленчук
Овошјето и зеленчукот, како што се боровинки и спанаќ, не само што делуваат како шарен додаток на јадењата, туку и се богати со влакна, антиоксиданси и растителни стероли. Целта е пет порции овошје и зеленчук дневно.
