Работни места поврзани со компјутери, обновливи извори на енергија, вештачка интелигенција, интернет безбедност се професиите кои ќе бидат барани.
Софтвер девелопер и аналитичарите на податоци остануваат клучни за технолошкиот напредок и донесувањето одлуки во современиот бизнис, додека креаторите на дигитални содржини играат витална улога во маркетингот. Медицинските професии и угостителството исто така нудат стабилни кариери, следејќи ги глобалните и локалните трендови.
Светот околу нас брзо се менува преку дигиталните технологии и ова не става сите нас во позиција каде што треба да бидеме флексибилни и потенцијално да се прилагодиме на новите трендови.
Тешко е со сигурност да се претпостави што ќе донесе годината што е пред нас, како во светот, така и кај нас, но врз основа на некои трендови може да се заклучи кои занимања ќе бидат барани во наредниот период, велат од Инфостуд. Тоа најмногу ќе бидат работни места поврзани со компјутери, обновливи извори на енергија, вештачка интелигенција, интернет безбедност и слични работни места.
Софтвер девелопер
Оваа професија со години е на врвот на листата на најбарани и најплатени професии.
Барани се оние кои вешто користат програмски јазици, како Java, Python или C++ и веќе имаат доволно искуство зад нив. Денес, на пример, програмерите кои се добри во дебагирање се исто така многу барани, што повторно доаѓа со искуство.
Аналитичар на податоци
Аналитичарите на податоци најчесто се опишуваат како луѓе без кои е невозможно да се замисли модерен бизнис. Тие играат клучна улога во процесот на донесување одлуки. Нивната способност за разбирање на податоците им овозможува на компаниите да ги приспособат своите стратегии, да ги оптимизираат операциите и подобро да се прилагодат на динамичните пазарни услови.
Преку прецизна анализа, овие експерти откриваат трендови, ги препознаваат потребите на клиентите и помагаат во обликувањето на иновациите што водат до успешен бизнис. Нивните плати се во опсег од оние на програмерите, а она што е важно да се истакне е фактот дека за нив има работа во компании кои не се првенствено во ИТ секторот.
Креатор на дигитална содржина
Компанија која ја нема на интернет како да не постои. Иако многумина мислеа дека вештачката интелигенција ќе ја намали потребата од креатори на дигитални содржини, поголемиот дел од маркетинг директорите во најголемите светски компании велат дека ќе ги зголеми буџетите наменети за креаторите.
Дури и нашиот пазар е толку голем што оние кои имаат што да понудат лесно можат да допрат до клиентите.
Медицина
Кариерата во медицината е секогаш добар избор. Германија, на пример, долги години се соочува со недостиг на работна сила во болниците, па условите кои треба да се исполнат за вработување се многу едноставни.
Веќе после средно училиште и полагање стручен испит може да се најде работа како медицинска сестра или техничар, а платите во таа земја се движат од 1.600 до дури 4.400 евра.
Угостителство
Готвачите, келнерите, менаџерите беа многу барани во последните години, а овој тренд ќе продолжи и во 2024 година.
Во земјава веќе може да се најдат огласи кои во овој сектор одат од 500 евра па дури и над 1000 евра за готвач на пример, покрај тоа многу наши граѓани одат на работа во странство токму во овој сектор.
