По завршувањето на студиите, многу млади луѓе се обучуваат за пазарот на труд и понатамошни кариери преку пракса или програми за практикантска работа, некои од нив веднаш наоѓаат работа и почнуваат да го градат своето име во светот на бизнисот.
Истражувањето покажа дека во 2023 година биле вработени 83,5 отсто од неодамна дипломираните студенти во ЕУ, што претставува зголемување за 1,1 процентен поен (п.п.) во споредба со 2022 година (82,4 отсто).
Неодамна дипломираните лица се лица на возраст од 20 до 34 години кои ги завршиле своите студии во последните една до три години на средно или терцијарно ниво на образование.
Во текот на изминатите 10 години, има зголемување на стапката на вработеност на неодамна дипломираните студенти. Во 2013 година таа стапка беше 74,3 отсто и оттогаш постојано се зголемува. Исклучок беше пандемската 2020 година (78,7 отсто), кога е забележано намалување од 2,3 п.п. во однос на 2019 година (81,0 отсто).
Во 2023 година, имаше 9,6 процентни поени разлика во стапката на вработеност на неодамна дипломираните со високо образование (87,7 отсто) во споредба со оние со средно образование (78,1 отсто), соопшти Евростат.
Вкупната стапка на вработеност на неодамна дипломираните беше 80 проценти или повеќе во 22 земји на ЕУ. Малта го предводи патот со 95,8 отсто, а потоа следат Холандија (93,2 отсто) и Германија (91,5 отсто).
Најниски стапки на вработеност се забележани во Италија (67,5 отсто), Грција (72,3 отсто) и Романија (74,8 отсто). Хрватска забележа процент на вработеност од 72,8.
