Управата за хидрометеоролошки работи информира дека утрово ќе биде постудено со услови за појава на магла по одделни котлини.
Во текот на денот времето ќе биде сончево со мала локална облачност. Минималната температура ќе се движи од -2 до 8 степени, додека максималната ќе достигне од 14 до 21 степен.
Во Скопје, утрото ќе биде постудено со можност за појава на слаба магла, а максималната температура во текот на денот ќе се искачи до 20 степени.
Во наредните денови, времето ќе остане претежно сончево, но со студени утра и минимални температури кои на некои места ќе се спуштаат под нула. По одделни котлини, повторно ќе има услови за утринска магла.
