Ако сте еден од оние луѓе што местат повеќе аларми за да се разбудат наутро и да се подготват за на работа, треба да знаете дека оваа навика не е најдобрата опција за вашето здравје.
Експертот за спиење и клинички неврофизиолог Хавиер Албарес изјави дека повеќекратните аларми би можеле да бидат причината поради која се чувствувате емоционално или физички исцрпени.
„На овој крај од сонот, имаме многу РЕМ фаза сон, која делува како наш 'ноќен психолог'. РЕМ фазата ни помага да ги обработиме нашите емоции и дневните искуства. Воглавно е концентрирана во другата половина од ноќта“, објаснил тој.
Имено, пропуштањето на еден час сон не значи само губење на значителен дел од добар одмор, туку и губење на значителна количина РЕМ сон, што е клучно за одржување на емоционалната рамнотежа.
Албарес ја истакнал важноста на добриот сон за целокупното ментално и физичко здравје.
„Спиењето е еден од најважните аспекти на моето здравје и живот. Спиењето не може да се замени; тоа не е луксуз, а кога ќе го замениме, има последици“, рекол тој.
Го објасни и влијанието на спиењето врз нашите емоции, истакнувајќи ја неговата улога во регулирањето на хормоните на апетитот, каде што предупреди дека недостатокот на сон може да доведе до проблеми како што е зголемување на телесната тежина.
Исто така, зборуваше за различните видови на несоница и важноста од решавање на нивните специфични причини.
На пример, тешкотијата за заспивање може да биде поврзана со нивоата на дневна активност, додека стресот може да биде поврзан со будењето во текот на ноќта.
Неочекуван сојузник во решавањето на одредени видови на несоница може да биде зачинот шафран, кој може да влијае на нивото на серотонин и нервната комуникација. Сепак, д-р Албарес објасни дека прво треба да се консултирате со специјалист за да се постави правилна дијагноза.
Извор: Tocka.com.mk
