Ако сметате дека не треба да станувате рано за да одите на работа тогаш ја имате науката на ваша страна. Според National Post, една нова студија покажала дека почнувањето со работните обврски пред 10 часот наутро е еднакво на тортура. Ваквиот начин на функционирање ги прави вработените исцрпени и постојано да се под голем стрес.
Истражувањата на Пол Кели од Универзитетот Оксфорд велат дека стандардните работни часа се сериозна закана за перформансите на вработените како и за нивното ментално здравје.
Вработените се лишени од сон. Тоа е многу штетно за организмот. Сите страдаат, а тоа не мора веќе да се случува, смета др. Кели.
Недостатокот на соодветен сон е поврзан со низа сериозни здравствени последици како што се депресијата и анксиозноста, па се до срцевите заболувања, прекумернате телесна тежина, високиот крвен притисок, па дури и ракот.
Инспириран од ваквото размислување еден поранешен наставник го променил времето на почеток на наставата од 08:30 во 10:00 часот и притоа забележал зголемување на оценките за 19%. Во тек е четиригодишен експеримент каде учениците во повеќе од 100 училишта почнуваат со настава во 10 часот. Целта на овој експеримент е да се види дали ќе има подобрување во резултатите од тестовите.
Бројните истражувања покажаа дека доколку ваквиот начин на функционирање биде превземен од страна на сите компании, работодавачите веднаш ќе можат да забележат зголемување на продуктивноста кај своите вработени како и нивно поголемо ангажирање околу работните задачи.
