Не постојат докази дека прескокнувањето на појадокот доведува до зголемување на телесната тежина, стои во новата студија објавена во списанието British Medical Journal.
Наспроти популраното мислење, истражувањето покажало дека доколку немате практика да јадете сабајле тоа нема да доведе до зголемување на гладот во попладневните часови.
Научниците од Универзитетот Монаш во Мелбурн решиле да ја анализираат релацијата појадок – промена на телесната тежина. За ова истражување тие се послужиле со податоци од 13 клинички испитувања спроведени во САД и Велика Британија во последните 28 години.
Се открило дека вкупниот дневен внес на енергија е поголем кај оние луѓе кои појадувале отколку кај тие што не јаделе и дека притоа немало значајна разлика во активноста на метаболизмите помеѓу двете групи.
Иако редовниот појадок може да има други важни ефекти, треба да бидете внимателни кога се препорачува појадок заради симнување на тежина бидејќи тоа може да има сосема поинаков ефект, се вели во студијата.
