За време на Апостолската посета на Папата Франциск, во Град Скопје ќе важат посебни сообраќајни правила. На официјалниот сајт papa.mk може да ги прочитате сите детали за посетата на Папата во Скопје, а таму ќе најдете и интерактивна мапа која ќе ви помогне да го планирате вашето движење на 7 мај.
За сите граѓани ќе биде обезбеден:
Бесплатен јавен градски превоз
На 7 мај автобускиот градски превоз во Скопје ќе биде бесплатен за сите граѓани и посетители. Апелираме на 7 мај да користите јавен превоз.
Бесплатен железнички превоз
На 7 мај меѓуградскиот превоз со воз ќе биде бесплатен. Апелираме на граѓаните кои доаѓаат во Скопје да го разгледаат возниот ред и да патуваат со воз.
Бесплатен паркинг во Скопје
На 6 мај по 17ч и цел ден на 7 мај, паркинзите во Скопје ќе бидат бесплатни. Апелираме на паркирање на возилата надвор од строгиот центар на Скопје, со цел непречено движење на сообраќајот.
