„Солета има вработени кои се дел од тимот од самото нејзино отпочнување со работа. Некои од вработените со оглед на нашето 24 годишно постоење на пазарот, го остварија правото на пензија токму во нашата компанија. Солета како компанија секогаш знае да ги препознае и награди лојалните и квалитетни вработени. Секој кандидат треба да има на ум дека без работа, труд и чесност не се напредува ниту низ животот ниту во работата. Одговорно можам да кажам дека нашата компанија нуди стабилност, ги почитува работничките права и сите законски прописи кои се во интерес на вработените.“
Ивана својот работен стаж во Солета го започнува веднаш по завршување на високото образование, односно во 2006 година. Како почетник во компанијата се вклучува во учење на основните принципи на контрола на процесот на производство, комункација и собирање искуства од вработените со подолг работен стаж во компанијата како и имплементација на HACCP системот кој во тој период е сеуште непознат за многу македонски производители на храна.
Со текот на годините и по неколкуте приватни и професионални околности доаѓа до позицијата извршен директор и косопственик во компанијата која е составена од исклучиво домашен капитал, а истовремено и семеен бизнис. Со текот на годините со раст на Солета почнува да се вклучува и во процесот на регрутирање и селекција на нови и унапредување на постоечките вработени за да денес е главно контакт лице кога станува збор за вработувања, поплаки, молби, опомени и слично.
Кажете ни нешто повеќе за Солета?
Месната индустрија Солета постои и стабилно егзистира од 1996 година и веќе брои 120 вработени , секој од нив стручен и одговорен за своето работно место и зададени работни задачи. Нашата компанија активно инвестира во подобрена продажба и конкурентност на пазарот, зголемување на асортиманот како и подобрување на квалитетот на готовите производи, во што најзаслужен и клучен фактор се токму вработените во нашата компанија.
Нашата стратегија е насочена кон поголема достапност на нашите производи до крајниот потрошувач, подобрување и ширење на малопродажната и големопродажна мрежа, развивајќи ја во последниве години амбулатна (мобилна) продажба и дистрибуција до секој актуелен и потенцијален купувач низ сите делови на Македонија.
Последнава година ипол фокусирани сме и на развој на продажбата на свежо месо, а истовремено со оглед на дефицитот на квалификувана работна сила во таа област, вложуваме ресурси во обука на нови и постоечки вработени за продажба на свежо месо.
Што треба да поседува идеалниот кандидат за вработување во Вашата компанија?
Секој кандидат пред се` треба внимателно да ја прочита содржината на секој оглас на кој аплицира и доколку работната позиција, условите, профилот и дејноста на компанијата не го привлекува во целост воопшто да не се пријавува на огласот. Многу честа појава и елементарен проблем стана локацијата на компанијата каде би се одвивало интервјуто да биде пресудна дали кандидатот ќе се појави на интервју, што според мене е исклучително лош пристап на барателите на работа.
Интересни за нас се флексибилни кандидати кои имаат потенцијал да учат и да напредуваат во својата област , а истовремено да се лојални и чесни со максимално чувство на одговорност кон позицијата и работата која им е дадена.
Доколку на еден оглас за вработување и покрај извесен број на апликанти не се појави ниту еден кандидат кој како профил би одговарал за бараната работна позиција , се случува и огласот да се повтори, се со цел да се изнајде вистинскиот вработен за бараното работно место.
Каков е процесот на селекција низ кој поминуваат кандидатите за работа во Солета?
Внимателно ја читам и анализирам секоја пристигната биографија од пријавените кандидати и секогаш избирам да повикам на интервју што повеќе кандидати кои се адекватни со искуство и возраст за бараното работно место.
Интервјуирањето и селекцијата на кандидатите го правам во придружба на уште еден колега раководно лице од областа од која има потреба од лице за вработување, а одлуката најчесто ја носиме после првиот селекциски круг.
Дали кандидат без никакво работно искуство во овој сектор може да се приклучи во вашиот тим?
Кандидати без работно искуство, а со желба и ентузијазам да научат нешто ново и да ја искористат дадената можност се секогаш добродојдени во нашиот тим. Нашиот тим на професионалци се секогаш отворени во споделувањето на своето знаење и искуство со оние кои се нови и неискусни во оваа дејност, во што се навистина умешни , во многу краток рок, ефикасно да ги вклопат во целокупниот работен процес и средина.
Во последниве години, иако ретко, но се случува исклучително млади вработени да не изненадат со своите вештини, искуство и желба за учење.
Добро средено CV или добар настап на интервју – што е поважно?
CV- то како прво претставување на кандидатот е важно, но не и пресудно при селекцијата на кандидатите за интервјуирање. Не секогаш добро средено CV значи квалитетен кандидат, и не секогаш едноставно или непотполно CV значи недоволно добар кандидат. Токму затоа преферирам да повикам поголем дел од кандидатите и сама да се уверам во профилот на личноста.
Морам да забележам дека барателите на работа во Македонија, во последниве години се многу подобри во своето претставување на интервју, што понекогаш навистина го отежнува нашиот избор на вистинскиот кандидат.
Со оглед на стабилноста на компанијата, кажете ни колку години стаж во компанијата има најдолго вработениот во Солета?
Солета има вработени кои се дел од тимот од самото нејзино отпочнување со работа. Некои од вработените со оглед на 24 годишното постоење на Солета, го остварија правото на пензија токму во нашата компанија.
Ваша порака до кандидатите кои размислуваат да станат дел од тимот на Солета.
Солета како компанија секогаш знае да ги препознае и награди лојалните и квалитетни вработени. Секој кандидат треба да има на ум дека без работа, труд и чесност не се напредува ниту низ животот ниту во работата. Одговорно можам да кажам дека нашата компанија нуди стабилност, ги почитува работничките права и сите законски прописи кои се во интерес на вработените. Со оглед на големите промени на пазарот на труд ние секогаш се трудиме да го наградиме и задржиме добриот вработен.
Сакаш да станеш дел од тимот на Солета?
ПЛАТИ од 16.000 до 22.000 денари - СОЛЕТА ВРАБОТУВА - АПЛИЦИРАЈ ТУКА
СЛЕДИ ЈА КОМПАНИЈАТА
