Познато е дека Белгијците сакаат помфрит, честопати во комбинација со мајонез, но тешко погодениот земјоделски сектор сега сака нивните помфрити да бидат на менито двапати неделно, јавува Би-Би-Си во понеделник.
Ромен Кулс, претставник на синдикатот за компири во Белгија, смета дека е прашање на опстанок, бидејќи извозот на овие зеленчуци значително опадна како резултат на пандемијата на коронавирус.
750 000 тони компири се чуваат во белгиските магацини, а рестриктивните мерки ја уништија побарувачката.
„Да јадеме помфрит двапати неделно, наместо еднаш“, побара Кулс.
Од средината на март, рестораните во Белгија се затворија, а други пазари за компири ги снема.
Тешката состојба се влоши со откажувањето на многу пролетни и летни фестивали во земјата.
Погоден е и глобалниот пазар на компири.
Белгија е еден од најголемите извозници на производи од компири, вклучително и замрзнати помфрит.
Извезува околу 1,5 милиони тони годишно во повеќе од 100 земји.
