Шпанија може да стане првата земја во светот што ќе тестира четиридневна работна недела на државно ниво, откако владата се согласи да започне пилот проект меѓу компаниитте кои што се заинтересирани за оваа идеја.
Точните детали за пилот програмата сè уште се дискутираат меѓу владините претставници, но партијата на Ерехон предложи тригодишен проект вреден 50 милиони евра што ќе им овозможи на компаниите да се обидат да го намалат работното време. На пример, трошоците за компанија што ќе се согласи да воведе скратено работно време би биле 100% покриени во првата година, 50% во втората и 33% во третата година.
„Со овие бројки, се проценува дека околу 200 компании со меѓу 3.000 и 6.000 работници би учествувале во пилот-проектот. „Единствената црвена линија што сакаме да ја видиме е вистинско намалување на работното време без да се изгубат платите и работните места“, рече Хектор Трејеро од Mas Paisa.
Хектор исто така изјави дека пилот програмата може да започне оваа есен и додаде дека „Шпанија ќе биде првата земја што ќе започне проект со ваква големина. Пилот проект како овој не е имплементиран никаде во светот “.
Иако ниедна друга земја официјално не се обиде да спроведе четиридневна работна недела, идејата се здоби со голема популарност во последните неколку години.
