![Вчера „потоп", пред нас уште потежок ден - подготете се за невреме](https://s.vrabotuvanje.com.mk/data/images/preview/article/f9/90c4f09f-resize-820x0x100.jpg)
Времето претпладне ќе биде сончево со мала до умерена облачност, попладне со локална појава на пороен дожд и грмежи, особено во источните делови, соопшти Управата за хидерометеролошки работи.
Минималната температура ќе се движи од 12 до 19 степени, а максималната ќе достигне до 33 степени.
Во Скопје, сончево со мала до умерена облачност, попладне со краткотраен пороен дожд и грмежи.
Утре во текот на целиот ден времето ќе биде пооблачно со повремени врнежи од дожд, кои локално ќе бидат поројни и проследени со грмежи, а се очекува да наврне и поголема количина на воден талог. Потоа во следните денови ќе има повремен пороен дожд и грмежи, особено во попладневните часови. Дневната температура ќе опадне за неколку степени.
Извор: Прес24