Возилата со полициска придружба, видливо означените возила на АРМ, полицијата, итната медицинска помош, возила на лица заболени од мултиплекс склероза и церебрална парализа се само дел од оние што се ослободени од плаќање патарина.
Ова е пропишано со Законот за јавните патишта на Република Македонија, во кој се наведува дека од плаќање патарина за време на служба се ослободуваат возила со полициска придружба, видливо означени возила на Армијата на Република Македонија, полицијата, Царинската управа, Агенцијата, итната медицинска помош, Црвениот крст на Република Македонија, противпожарните служби, Државниот инспекторат за транспорт, Дирекцијата за заштита и спасување, Јавното претпријатие за одржување и заштита на магистралните и регионалните патишта „Македонијапат“ - Скопје и погребалните возила.
Освен нив, со членот 66 од истиот закон е пропишано дека од плаќање патарина се ослободени и возила на лица заболени од дистрофија, мултиплекс склероза, церебрална парализа, параплегија, хемиплегија, квадриплемија, детска парализа (полиомиелитис), слепите лица со оштетување на видот над 90%, лица на дијализа и лица со ампутација на рака или нога со признато телесно оштетување од 80% утврдено со акт на надлежната комисија во Фондот на пензиското и инвалидско осигурување на Македонија
За да го користат ова право, лицата треба да поседуваат членски книшки издадени од здруженијата, односно сојузите во кои членуваат, кои заедно со документацијата за болеста согласно наведеното во законот и копија од сообраќајната дозвола од возилото што се користи преку нивните здруженија, односно сојузи, барањата се доставуваат до Јавното претпријатие за државни патишта. Потоа документацијата се проверува и доколку сѐ е во ред, Јавното претпријатие за државни патишта ја потпишува и заверува книшката, со што се потврдува правото на ослободување од плаќање на патарина и писмено се известуваат здруженијата, односно сојузите за тоа.
Кога некое лице ослободено од плаќање патарина минува низ наплатна станица, треба да ја даде на увид и членската книшка во која е запишана регистарската табличка од возилото што се ослободува.
извор: fakulteti.mk
Кои лица се ослободени од плаќање патарина?
Aktualno
-
Најави за ново поскапување на цигарите
Цената на цигарите повторно ќе се зголеми за 5 денари, ова е предвидено со новите мерки на Владата.
-
На Македонија и фалат работници, дефицитот го надополнуваме од странство
Директорката на Агенцијата за вработување, Весна Пешова на вчерашната „Текстилијада 8“ кажа дека дефицитот на кадар најмногу се забележува во градежништвото, угостителството и производството. Таа вели дека ова впрочем се и најбараните профили на работници кои се бараат од страна на работодавачите.
-
ДОБРИ ВЕСТИ ЗА САД: Отворени 254.000 нови работни места во септември
Во септември во САД се отворени 254.000 нови работни места, што е многу над очекувањата на економистите кои прогнозираа нови 140.000 работни места, објави денеска американското биро за статистика на трудот.
-
Цените на угостителските услуги продолжија да растат
Според податоците на Државниот завод за статистика, индексот на цените на угостителските услуги во септември 2024 година, во споредба со август 2024 година, е зголемен за 0.2 %.
-
Секој Германец има во просек по 70.000 евра, но штеди - погрешно
Новиот извештај на осигурителната компанија Allianz заклучува дека многу Германци ги пропуштаат можностите за просперитет затоа што штедат на погрешен начин.
-
Microsoft им порача на вработените: Можете да работите од дома, но само под еден услов
Откако Amazon неодамна им кажа на вработените дека мора да се вратат во канцеларија, некои аналитичари коментираа дека ова е почеток на крајот на работата на далечина. На некои шефови не им се допаѓа тоа што не можат да ги контролираат вработените кога не се на нивните работни места, додека други сметаат дека кога луѓето зборуваат во живо и учествуваат на состаноци за бура на идеи, тие можат да бидат покреативни, додека далечинската работа ја задушува таа креативност.