За сите корисници на Google Maps - Најавени се промени

Во потрагата по оптимална рута, видот на транспортот има големо влијание, а сега во приказната е вклучен уште еден важен фактор – диверзисификација на погоните

На сите им е јасно дека не е исто да се вози од точка А до точка Б со велосипед, скутер или автомобил. Истото важи и за, на пример, хибридните автомобили, кои ќе ги покажат своите предности во однос на економичноста при планирањето на рутите доколку не возат по автопат. И ова е спротивно од автомобилите кои се напојуваат исклучиво од фосилни горива.

Како што дознава 9to5Google, се подготвува бета верзија на апликацијата, која по ажурирањето ќе може да прави разлика помеѓу неколку типови погони и тоа бензински, дизел, електрични и хибридни. Целта ќе биде да се избере рута каде што корисникот ќе користи најмалку енергија.

Кога станува збор за електричните возила, се претпоставува дека Google Maps ќе ги оптимизира рутите со полначи за нивните корисници.

Не се знае кога ќе биде лансирана новата верзија, но се претпоставува дека тоа би требало да се случи за неколку недели.

Текстот е превземен од dodajgas.mk