Катастрофалната вест што пристигна неделава од Пирот каде се преврти вагон-цистерна со амонијак, ги исплаши граѓаните, а во болница било пријавео дури 51 лице.
Кога станува збор за амонијак, тоа е отровен гас, кој ги „гори“ пред се очите и дишните патишта, а последиците од труењето можат да бидат тешки и трајни.
Би можело да ве интересира: Над 50 лица се хоспитализирани - Вонредна состојба во Пирот
Амонијак или азан е хемиско соединение на азот и водород со молекуларна формула NH3. Во нормални услови, амонијакот е гас со остар, карактеристичен мирис, полесен од воздухот и лесно растворлив во вода. Тоа е корозивно на некои супстанции. Главната примена на амонијакот е во производството на ѓубрива, експлозиви и полимери. Тоа е исто така состојка во средствата за чистење домаќинство.
Како да се однесувате во случај на истекување на амонијак
Амонијакот е отровен гас, а првите симптоми на труење се иритација и болка во очите, црвенило и иритација на слузокожата и респираторниот тракт.
Труењето може да доведе до оштетување на долниот респираторен тракт. Пациентот има отежнато дишење, кашлање и притисок околу белите дробови, оштетување на очите кое се манифестира со силно солзење и болки. Може да се појави и трајно или привремено губење на видот.
Амонијакот влијае и на нервниот систем, се јавуваат состојби на вознемиреност, а труењето со овој гас предизвикува силни главоболки и психички нарушувања. Може да предизвика и оштетување на срцето, што се манифестира со забрзување на пулсот и губење на свеста.
Третманот, во потешки случаи, во болнички услови трае најмалку 20 дена.
Да потсетиме, градоначалникот на Пирот, Владан Васиќ, вчера прогласи вонредна состојба.
.jpg)
