![Емотивна врска со колега од иста фирма - ДА или НЕ?](https://s.vrabotuvanje.com.mk/data/images/preview/article/98/fe54f689-resize-820x0x100.jpg)
Во 2023 година, секој четврти работник имал некаков вид романса со колега
Еве можеби уште поважно прашање: Дали љубовта на работа може да влијае на вашата кариера?
Емотивната врска со колега од иста фирма може да биде „меч со две острици“, особено ако приказната заврши неславно. Сепак, досегашните истражувања ни носат некои нови, охрабрувачки резултати.
И покрај деликатните и потенцијално тешки последици од љубовта на работа, ваквите романси станаа вообичаени во 20 век кога жените масовно се вработуваа, односно полека излегуваа од „улогата на домаќинки“.
Од друга страна, самите работни места станаа позначаен дел од животот и идентитетот на луѓето.
Според анкетата цитирана во тоа време од страна на истражувачите од Универзитетот во Северно Колорадо, дури секој четврти американски работник бил вклучен во некаков вид романса на работа уште од средината на 1990-тите.
Во 1995 година, Лос Анџелес Тајмс ги нарече канцелариските романси „факт на корпоративниот живот“, истакнувајќи дека AT&T има повеќе од 8.000 брачни парови меѓу своите 250.000 вработени во САД.
Се разбира, не сите романси/врски беа бракови.
Канцелариите станаа и „опасна зона“ за афери, односно прељуба, при што бројот на луѓе кои ги изневеруваат своите партнери со колегите на работа се зголемува во текот на деведесеттите, до 50% кај жените.
Не е многу различно во Велика Британија. Истражување од 2022 година покажа дека секој четврти признал дека имал „романтична средба“ со колега.
Истражувањата покажуваат дека наоѓањето љубов на работа може да го подобри моралот и да ја зголеми продуктивноста - но има и многу лоши примери за ваков тип на врска.
Доколку навистина се случат такви ситуации, дефинитивно се препорачува вработените да го информираат раководството, а Блумберг продолжува да ги цитира изјавите на некои експерти за менаџмент на кариера кои сметаат дека не е чудно таквите односи да се случуваат во организации со многу вработени.