До крајот на годината треба да се заменат возачките дозволи

До 31 декември трае рокот до кога треба да се заменат возачките дозволи со старото уставно име на државата, потсетуваат од Министерството за внатрешни работи (МВР).

Во рамките на нивната апел-кампања, од МВР упатуваат повик до граѓаните навреме да ги заменат возачките дозволи, со цел да не се создаваат непотребни турканици.

„Важноста на возачките дозволи со старото уставно име, согласно со промената на законот за безбедност во сообраќајот, е заклучно со 31.12.2024 година. Министерството ги повикува сите граѓани кои се уште имаат возачка дозвола со старото уставно име, да ја обноват својата возачка дозвола, до истекот на рокот, со цел да не се создаваат непотребни турканици“, се вели во повикот од МВР.

Оттаму информираат оти сите капацитети на МВР и шалтерите на управните служби функционираат во полн капацитет и можат да ги услужат граѓаните за смена на возачките дозволи до редовниот рок, без доцнење.

Министерот за внатрешни работи минатиот месец рече дека околу 200 илјади граѓани останува да ги променат возачките дозволи со „Република Македонија“ со вакви исправи со новото уставно име.
Со новата машина за печатење на лични документи, што е ставена во функција во МВР, министерот вели дека овие возачки дозволи може да се испечати за не повеќе од 20 дена.

Министерот посочи и дека доколку на возачките дозволи не им е истечен рокот на важност, нивната замена нема да биде на трошок на граѓаните во делот којшто се исплаќа кон државата за производство на возачката дозвола.

Извор: 360.stepeni.mk

Aktualno

Што троши повеќе струја – клима, термо-печка или греалка?
Со почетокот на грејната сезона, многу домаќинства се соочуваат со проблеми поврзани со недоволно затоплување од централното парно. Ова ги принудува граѓаните да бараат алтернативни начини за дополнително греење, кое често се одвива преку електрични уреди.
Што им е најважно на Македонците при избор на работодавач? - резултати од големото Регионално истражување на пазарот на трудот
Македонците сè помалку заинтересирани за државна работа
Просечната цена на дом во Дубаи сега е 1 милион долари
Цените на домовите во Дубаи најверојатно ќе продолжат да растат следната година, откако веќе се зголемија за 20% во 2024-та година, продолжувајќи го стабилното закрепнување што започна по пандемијата, напиша консултантската компанија „Knight Frank“, цитирана од „Bloomberg“.
Какво време ќе имаме за продолжениот викенд?
Во четврток времето ќе биде облачно со повремени врнежи од дожд, на планините и на некои повисоки места во западните делови од снег и ќе се зголеми снежната покривка.
Уште еден удар по џебот на туристите! Грција воведува нови мерки и даноци, вака ќе изгледа летувањето во иднина
Туристите кои планираат да ја посетат Грција, од следната летна сезона очекуваат бројни промени.
Пренатрупани фризерници за миленици – зошто е толку тешко да се закаже термин?
Сопствениците на кучиња во Скопје се соочуваат со неочекуван проблем – речиси е невозможно да се закаже термин за шишање и одржување на хигиената на нивните домашни миленици.