Ако на некој начин сте заинтригирани од личноста на Пабло Ескобар, сега можете да престојувате во приватен авион за кој се шпекулира дека некогаш бил во негова сопственост и е наречен „најкул Airbnb на светот“. Напуштениот „боинг 727“ е трансформиран во уникатно искуство на Airbnb, сместено во индустриска област во Бристол.
Авионот, кој е изграден во 1968 година, а претворен во приватен авион во 1981 година, им нуди на гостите шанса да живеат како милијардери за 850 фунти од ноќ. Проектот го води бизнисменот Џони Палмер (41), кој за неговиот проект доби одобрение од градскиот совет на Бристол.
„Изграден е во 1968 година за Japan Airlines и претворен во приватен авион во 1981 година. Имаше низа сопственици. На крајот повеќе не можеше да лета и беше пензиониран во 2012 година.
„Контрастот – милијардерот и реалниот живот – е всушност многу здрав за луѓето и покрај гласините за претходните сопственици, вклучувајќи го и арапскиот принц, мафијата, па дури и Пабло Ескобар. Некој рече дека Пабло Ескобар некогаш бил сопственик на авионот. Од каде дојде пред тоа, којзнае – не го менува фактот дека правиме многу позитивни работи со него сега“ вели Палмер.
Необичниот Airbnb, кој има две двокреветни соби со приватни тоалети и тушеви, како и дополнителни седишта кои се претвораат во кревети, е далеку од обичен. Опремен е со луксузни детали како што се ѕидни панели од орев, кожни седишта и златни додатоци.
Иако авионот повеќе нема крила или мотори, сите елементи, вклучувајќи ги воздушните скали, осветлувањето и кујнските апарати, се целосно функционални.
„Преобразувањето на авионот во луксузно сместување беше макотрпно, но наградувачко. „Целиот проект беше реставрација која траеше неколку години. Опремата внатре беше инсталирана во 1981 година, пред да се родам јас, и сè што направивме беше да ја обновиме најдобро што можеме. Јас сам работев голем дел од електричната работа, имав водоводџија, столар – многу луѓе беа вклучени во процесот“ објаснува Палмер.
Тој сега редовно одржува отворени денови, поканувајќи ги околните жители да го истражуваат авионот, а донациите одат во добротворни цели. Најевтиниот „лет“ чини 250 фунти, додека во август, цените достигнуваат до 850 фунти за ноќевање, а резервациите речиси го исполнуваат календарот во текот на целата година.
Извор: inovativnost.mk
