Во Скопје ќе се овозможат бесплатни стоматолошки прегледи, домашна нега и 24-часовна итна помош за пензионерите. Оваа иницијатива има за цел да го подобри здравственото згрижување на повозрасните граѓани и да обезбеди поголема сигурност и поддршка.
Бесплатните стоматолошки прегледи ќе им овозможат на пензионерите редовна проверка на забите без дополнителни трошоци. Покрај тоа, ќе биде достапна и домашна нега за оние кои имаат потреба од медицинска грижа во нивните домови. Како дополнителна мерка, се воведува и 24-часовна итна помош, што значи дека постарите лица ќе можат да добијат медицинска интервенција во секое време.
„Ова е одличен проект кој опфаќа 90 домаќинства. Во моментов има слободни места за нови корисници. Можат да се пријават наши повозрасни граѓани на коишто им треба одредена помош, физичка нега, помош низ дома. Нашите служби преку Хуманост неколку пати неделно ги посетуваат повозрасните жители кои живеат сами и на кои им е потребно да им се помогне во нивните секојдневни домашни обврски. Оваа услуга ја подобруваме секоја година, со цел да стигнеме до што поголем број наши сограѓани”, објасни Градоначалникот на Општина Центар, Герасимовски.
Оваа иницијатива е дел од пошироката стратегија за унапредување на условите за живот на пензионерите во градот и подобрување на нивната здравствена заштита.
