Добра вест за возачите: Од полноќ поевтинуваат горивата

Намалување на цената на сите горива ќе има од вечерва на полноќ, одлучи Регулаторната комисија за енергетика.

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,77 % во однос на одлуката од 20.02.2025 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 0,50 ден/лит. Малопродажната цена на Мазутот М-1 НС се намалува за 0,012 ден/кг и сега ќе изнесува 46,178 ден/кг.

Од 25.2.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 79,00 (денари/литар)
Моторен бензин ЕУРОСУПЕР БС - 98 81,00 (денари/литар)
Дизел гориво ЕУРОДИЗЕЛ БС (Д-Е V) 73,50 (денари/литар)
Масло за горење Екстра лесно 1 (ЕЛ-1) 73,00 (денари/литар)
Мазут М-1 НС 46,178 (денари/килограм)

Извор: mk.tv21.tv

Aktualno

Минатата година рекордна за туризмот во Грција – земјата ја посетиле речиси 36 милиони туристи
– Во 2024 година Грција ја посетиле речиси 36 милиони туристи, бројка што е за 9,8 отсто повисока споредбено со една година претходно, а зголемување има и на приходите од туризмот, со што минатата година е рекордна за грчкиот туризам, согласно податоците од Банката на Грција, јави дописничката на МИА од Атина.
Црешите скапи, лубениците изгор – колку ќе плаќаме за овошје ова лето?
Македонските граѓани со загриженост ги следат цените на пазарите, прашувајќи се дали ова лето ќе можат да уживаат во свежите сезонски овошја без да им „проплаче“ паричникот. Минатогодишните поскапувања на храна и растот на животните трошоци веќе оставија трага врз семејните буџети, а многумина стравуваат дека овошјето би можело да стане луксуз наместо неопходен дел од исхраната.
Секоја година фрламе 12 кг облека: Како да се свртиме кон одржливата мода? Почнете од „правилото 30 носења“
Колку пати сте застанале пред преполн ормар, а сепак рекле: „Немам што да облечам“? Додека купуваме сè повеќе облека, ретко размислуваме за влијанието што текстилната индустрија го има врз животната средина.
Асоцијацијата на земјоделци и фармери: Лебот треба да чини само 20 денари
„При ниска цена на пченицата од 9 до 11 денари, висока е цената на лебот од 30 до 35 денари за една векна со различна тежина“. Ова се аргументите на Асоцијацијата на земјоделци и фармери за барањето цената на лебот да се намали на 20 денари, да се зголемат субвенциите за производството на пченица и за 50 проценти да се намалат заштитните средства зашто се меѓу најскапите во регионот.
Облека, обувки и додатоци се најчестите купувани производи на интернет: Расте онлајн продажбата во ЕУ
Онлајн купувањето во ЕУ продолжува да расте, со повеќе луѓе кои купуваат стоки и услуги онлајн од кога било досега. Претходната година, 77 отсто од онлајн клиентите купиле и нарачале стока или објекти за нивна сопствена употреба на интернет, што е зголемување за 59 отсто во споредба со пред десет години, во 2014 година.