Сте слушнале за Виртуелни денови за вработување, зарем не? Веќе десет години, најголемите сајтови за вработување во регионот заеднички го организираат најголемиот онлајн саем за вработување во Европа. Во 2019 година, Vrabotuvanje.com за прв пат го донесе виртуелниот саем во Македонија!
Само минатата година, остваривме над 300.000 посети и 27.000 апликации, а на саемот се претставија повеќе од 80 компании кои на своите виртуелни штандови објавија преку 500 огласи за работа.
А годинава?
Годинава ќе настапиме со нов изглед: се ребрендиравме во РЕГИОНАЛЕН САЕМ ЗА ВРАБОТУВАЊЕ! Од годинава имаме и нов член во нашето регионално семејство – Словенија и порталот за вработување Deloglasnik, кој заедно со MojPosao – Хрватска, Poslovi Infostud – Србија, MojPosao.ba – Босна и Херцеговина и Vrabotuvanje.com – Македонија, учествува во организација на саемот. Покрај тоа, имаме голем број новитети на платформата, како и нова веб страна: www.regionalensaemzavrabotuvanje.com
Саемот ќе се одржи од 7. до 14. октомври 2020 година, а се што ви е потребно е интернет!
Со минимален ангажман, можете да ги претставите своите предности како работодавач и да се истакнете помеѓу конкуренцијата. Технолошкиот напредок дава нова димензија на комуникацијата и квалитетот на процесот на вработување.
За разлика од еднодневните физички саеми, виртуелниот саем е активен 8 дена од 0 до 24 часот и е достапен преку сите (десктоп/мобилни) уреди. Саемот ви овозможува на едноставен и ефикасен начин да ја претставите вашата компанија пред голем број на работобаратели во една или повеќе земји и преку директна, „еден на еден“, комуникација да пронајдете талентирани кандидати кои совршено ќе се вклопат во вашиот постоечки тим на вработени. Вашиот виртуелен штанд го креирате во неколку едноставни чекори, без притоа да трошите ресурси за патување, ангажирање на вработени и печатење на промотивни материјали.
Резервирајте го вашиот штанд навреме преку нашата веб страна и добијте попуст за рана пријава, кој важи до крајот на август. Придружете ни се на овогодинешниот Регионален саем за вработување!
