Во време кога стримингот на содржини станува се побаран и се појавуваат нови платформи, популарниот сервис Netflix одлучи да понуди бесплатно гледање на оригинални содржини и за оние кои немаат профил на платформата.
Се работи за бесплатна понуда на серии и филмови во продукција на Netflix, а дополнително ограничување е тоа што бесплатно ќе биде достапна само првата сезона од сериите.
Ова би им овозможило на гледачите да добијат доволно материјал за да одлучат дали серијата им се допаѓа и сакаат да продолжат со гледање или не.
На Netflix бесплатно ќе може да се погледнат: Stranger Things, The Two Popes, When They See Us, Bird Box и низа други серии и фолмови.
Бесплатните содржини се достапни преку овој линк, но само ако пристапите преку пребарувач, а не преку апликацијата. Треба да се напомене дека бесплатните содржини не може да се гледаат преку iPhone уреди.
