Потребно е многу време и труд да ја развиете менталната сила, која бара секојдневна работа на себе, реалистичен оптимизам и поставување на здрави граници. Ментално силните лица не го трошат своето време залудно сожалувајќи се себе и не ја трошат залудно енергијата на другите луѓе кои не се вредни за тоа.
Доколку сметате дека сте една од личностите кои се ментално посилни од просечните, проверете го тоа во следните факти на Бизнис инсајдер за овие луѓе:
– Ги балансираат емоциите и логиката за да постигнат најдобар резултат.
– Секогаш избирааат продуктивност, додека другите наоѓаат изговори.
– Полни се со самодоверба поради својата одлучност да се адаптираат на промените.
– Се соочуваат со стравовите кои ги блокираат.
– Учат од своите грешки.
– Балансираат со самоостварувањето и саморазвитокот, се прифаќаат онакви какви што се и се развиваат во подобри.
– Се радувааат на успехот на другите, никогаш не завидуваат.
– Уживаат да живеат живот според нивните мерила, вредности и приоритети.
– Работат на своите вештини за да ги унапредат, не за да им се докажат на другите.
– Живеат автентичен живот, тие се посебни и доследни на себе.
– Се вреднуваат само врз основа на тоа кои се, а не според тоа што го постигнале.
– Вежбаат одложено задоволување, своите цели ги гледаат како маратон, не како спринт.
– Прифаќаат одговорност за личните одлуки.
– Животните тешкотии ги гледаат како простор за напредување и развивање.
– Често се заблагодаруваат.
– Се фокусираат на нешта кои можат да ги контролираат.
– Стануваат после секој пад, неуспехот не ги запира.
– Тие се реалистични оптимисти, гледаат сонце после дождот, но не се заслепени.
– Работат на своите слабости, не ги заташкуваат.
– Отворени се да учат од се што ги опкружува.
.jpg)
